Ganacsatada Suuqa Bakaaraha oo ka cabanaya Suuq la’aantii ugu darneyd

Ganacsatada Suuqa Bakaaraha oo ka cabanaya Suuq la’aantii ugu darneyd,kadib markii Ciidamada Shisheeye ay sii kordhiyeen duqeymaha ay u geysanayaan Suuqa Bakaaraha.

Kadib markii Suuqa Bakaakraha uu marti u noqday Madaafiicda Ciidamada Shisheeye ay ku garaacaan ayaa waxaa madaafiicdaasi saameyn xoogan ay kuyeelatay ganacsatada wax ku iibisa gudaha suuqa bakaaraha, Kagagadaal markii madaafiicdaasi ay barakicisay dadkii wax iibsan lahaa waxaan haatana soo wajahday ganacsatada suuq la’aan baahsan.

Mad kamid ah ganacsatada kabaha ku iibisa oo maantay lahadlay Idaacada islaamiga ah ee Alfurqaan ayaa sheegay in ay soo wajahday suuq la’aan baahsan, taasi oo uu sheegay in ay sabab utahay dadkii wax iibsan jiray oo u barakecay duleedyada magaalada Muqdisho,iyo dadka haatan ku haray magaalada oo hadii ay suuqa ay u soo adeeg tagi lahaayeen kawal walsan madaafiicda joogtada ah ay Ciidamada Shisheeye la dhacaan suuqa.

“Markii hore oo dadka ay suuqa joogeen nalol maalmeed fiican ayaan heli jirnay oo waxaa laga yaabaa in maalintii ay noo gadmaan ilaa 12-joog oo kabo ah, balse hadda dadkii suuqa mayimadan marka waxaaba lagayaabaa in malintii oo dhan aanan wax kabaa gadin taasina waa dhibaato oo ilmo iyo xaasas ayaa inagu xariira” Sidaas waxaa yiri Mid kamid ah ganacstada Suuqa Bakaaraha.

Sidoo kale mid kamid ah ganacsatada dharka oo isna goobtiisa ganacsi kulahadlay Idaacadda Alfurqan ayaa tibaaxay in dhamaan ganacsatada suuqa Bakaaraha haatan ay xili xun ay kujiraan oo dhaq dhaqaaqooda ganacsi uu aad u liito. Isagoona tilmaamay in naxariista ilaahay aysan kaquusanayn wuxuuna ilaah karjayay indhibaatadan uu ilaah kadul qaado iyo madaafiicda ay Ciidamada Shisheeye ay sida araxan darada ugu garaacan xaafadaha kaladuwan ee magaalada Muqdisho.

Si kasataba ha ahaatee Madaaficda xoogan ay Ciidamada Shisheeye ay ku garaan xaafadaha kaladuwan ee magaalada Muqdisho ayaa saamaysay dhamaan adeegyada bulshada sida goobaha Ganacsiga ,Waxbarashada Caafimadka iyo dhamaan adeegyadii bulshada,Ayadoona haatan ay ganacsatada suuqa Bakaaraha ay walaac kamujinayaan sii wadista hoolohooda ganacsi.

Xildhibaannada Baarlamaanka oo cod gacan-taag ah ku ansixiyay Ra’iisul wasaaraha Soomaaliya

Ra’iisul wasaaraha Soomaaliya Maxamed C/llaahi Maxamed (Farmaajo) ayay xildhibaannada baarlamaanka maanta ku ansixiyeen cod gacan-taag, iyadoo inta badan mudanayaashii kulankii maanta ka qaybgalay ay codka siiyeen ra’iisul wasaaraha.

Kulankan ayaa waxaa shir-guddoominayay Afhayeenka Baarlamaanka Shariif Xasan Sheekh Aadan, waxaana xubnaha kulanka ka qaybgalay ay ahaayeen 391-mudan, wuxuuna Shariif Xasan sheeagy in codeyntu ay noqonayso gacan-taag ah, si ay sahlanaato in tirinta codadka.
Xildhibaan C/raxmaan C/shakuur Warsame oo ka mid ahaa xildhibaannadii qabay in codeynta laga dhigo qarsoodi, oo kulanka ka hadlay intii aan codka la qaadin, ayaa sheegay in markii ay arkeen khilaafka soo dhexgalay baarlamaanka ay go’aankoodii ka laabteen ayna u tanaasuleen midnimada baarlamaanka, ayna aqbaleen in codeyntu ay noqoto gacan-taag.

“Kulankan oo ahaa Kalfadhigii 11-aad ee fadhigiisii labaad, waxaa soo xaadiray 391-xildhibaan, waxaana codka siiyay ra’iisul wasaaraha 297-xildhibaan, waxaa diiday 92-mudane, iyadoo ay ka aamuseen laba xildhibaan, sidaa daraadeedna wuxuu u fasaxan yahay inuu soo dhiso dowlad,” ayuu yiri guddoomiyaha baarlamaanka Soomaaliya Shariif Xasan Sheekh Aadan oo ugu dambeyn kulanka soo xiray.
Ra’iisul wasaaraha cusub ee Soomaaliya Maxamed C/llaahi Maxamed (Farmaajo), ayaan kulanka lagu ansixiyay ka qaybgelin, iyadoo ra’iisul wasaaraha laga sugayo inuu soo dhiso xukuumad, taasoo baarlamaanka mar kale laga ansixin doono.
Ansixinta ra’iisul wasaaraha Soomaaliya, ayaa meesha ka saaraysa khilaafkii u dhexeeyay labada mas’uul ee dalka ugu sarreysa dalka, inkastoo aan la ogeyn wixii ay ku heshiiyeen, iyadoo xubnaha baarlamaanku ay soo dhaweeyeen ansixinta ra’iisul wasaaraha Soomaaliya.
Ra’iisul wasaaraha Soomaaliya Maxamed C/llaahi Farmaajo, ayaa muddo dheer ku noolaa Mareykanka, halkaasoo uu wax ku bartay kana shaqeynayay, waana mas’uul ku cusub siyaasadda Soomaaliya, inkastoo uu sheegay inuu diyaar u yahay inuu qayb libaax ka qaato xalinta dhibaatada dalka Soomaaliya ka jirta.

Taariikhdu Waa Tusmada Nolosha “DigilMiriflow” Q-19aad

Arintii foosha xumeyd ee lagula dhaqmey qoreyaashii United Nationka ee aheyd meeshii la rabo diyaarad lagu geyn jirey, meeshaa la rabina laga dhigi jirey bahlo galeen, aana nabadi ka jirin, waxaa xaqiiqo ah meesha loo saarey diyaaradda waa la rabey in taariikhdooda lagu shaaciyo dunida, isla markaana la yiraahdo waa taa taariikhda soomaalidu ay leedahay, dhaqanka soomaaliduna waa dhaqankan si loo yiraahdo ayadoo qowmiyadaha kale oo dhan lagu ridaayey af gembi taariikheed.

Arimahaas ay damcsanaayeen oo dhan waxaa fashiley nin qoraa ah ee u dhashey wadanka Sweden, waana kii aan hore u soo sheegney, arintana waxaa ay soo shaac baxdey mar la isugu yimid shir jaraa’id oo looga hadlaayey taariikhda aduunka laguna qabtey wadanka Sweden.

Qoraagii Iswiidhishka ahaa wuxuu su’aalo weydiiyey soomaalida, oo ku saabsaneyd taariikhdooda iyo deegaanadooda, meeshana waxaa isugu yimid aqoon yahano soomaaliyeed oo ay ka hadlayeen qof waliba deegaanka uu ka yimid, ama u dhashey.

In badabn markey si fiican ooga hadleen deegaanadooda, sheegeena taariikhdooda, ayaa waxaa la soo gaarey Qowmiyadda DigilMirifle taariikhdeeda iyo deegaanadeeda, waxaa halkii istaagey nin Mahaatiri ah asagoo iska dhigaaya in uu ka soo jeedo DigilMirifle, wuxuuna hadaladiis uu ku bilaabey sidii ay caadadu u aheyd oo ah xaqa in ay daboolaan, beena sheegaan, afka ay u dhigtaan wax walboo DigilMirifle khuseeya, taana waxa ay ka dhigan tahay adigoo yiri waxaan daboolayaa taariikhdii Cusmaaniyiinta.

Ninkii Mahaatiriga ahaa oona sheeganayey in uu aqoon yahan yahay asagoon fiirinin hareerihiisa, waxna aan hubsan, ayuu noqdey mid halkii ku ceeboobey, in kastoo ay ku maah-maahaan “Ceeb looma Dhinto”, noqdeyna mid khaladaado waaweyn ku dhacey, halkiina kala tagey waji xumaan uusan fileynin marnaba, ninkii waxa uu noqdey mid ku soo aroora sedex arimood oo kala ah:-

1. Asagoo noqdey mid aan ku kalsooneyn Nasabkiisa, sheegteyna nasab kale, wuxuu noqdey waxey dad ku sheegi jireen oo ah “MIDGAAN”.

2. Asagoo nasabkiisa uu ku gatey raashiin la’eg baahida markaas haysey, noqdeyna mid aan helin qeymuhuu ku raadinaayey nasabkiisa, ama uu rabey.

3. Asagoo sii xoojinaayey balamihii ay wada galeen reer Mahaatiri, ee ku aadanaa Qowmiyadda DigilMirifle, ballantaasoo ahey in la sameeyo wax walba oo sababi kara sidii loo dhici lahaa DigilMirifle, xitaa hadey noqoto wax bulshada dhexdeeda ka mamnuuc ah.

Ninkaa aqoon daradiisa “Jaahilnimadiisa” waxaa isla shirkaa jaraa’id fadhiyey aqoonyahano u dhashey qowmiyadda DigilMirifle, aqoonyahanada DigilMirifle waxaa ku dhex jira mid ay si gooni ah ay isu yaqaaniin ninkan sheegtey in uu yahay DigilMirifle, kan wax sheegteyse uma uusan aqoon ninkey is yaqaaneen in uu u dhashey qowmiyaddan.

Ninkan iska dhigey nasab dhiman waxa uu ku jirey riyo ah, in Sweden ay mahaatiri xukumeysey, ayna garab ku siin doonaan sheegashadiisa, rabeyna hadii wax la dhiibayo in asaga gacanta loogu soo shubo, iyadoo aan meesha ka marneyn jaahilnimo ku gabowdey.

Ninkaas markuu hadalka qabsadey waxa uu ku bilaabey hadalkiisii beentii caadada u aheyd ee ay ka sheegi jireen qowmiyadda DigilMirifle, ayagoo had iyo goor raadiya in ay leexsadaan cadka ay leedahay qowmiyadda DigilMirifle, been sheegistaas waxaa u sii dheer qoraaladooa oo is daba jooga ee ku aadan dadnimada qowmiyaddan iyo hantidooda guurto iyo ma guurtoba.

Hadalkii markii uu dhameystey aqoonyahankii nasabkiisii ka sheegtey ee is lahaa si fiican ayaad u hadashey weyna kuu gashey, ayaa waxaa ka daba qaatey ninkey mudada dheer is yaqaaneen, uusana u aqoonin hoos ahaan in uu yahay DigilMirifle, mana fileynin in uu jiro qof ka hor imaan karey hadaladiisii.

Qore: Isaak Eeding Hassing (Isaak Doolow)
isakdoolow@yahoo.com

War Deg Deg ah: Qarax lala eegtay ciidamada AMISOM

Qof ayaa ku dhintay iyo ilaa laba qof oo kalena ay ku dhaawacmeen rasaas ay fureen ciidamada Burundi ee ka tirsan kuwa midowga Africa ee ku sugan magaalada Muqdisho.

Ciidamada, ayaa rasaasta furay kadib markii qarax lala eegtay gaari ay saarnaayeen oo marayay jidka warshadaha meel ku dhow saldhig ay ku leeyihiin kulliyadii hore ee Jaalle Siyaad.

Warbixintan ayaa sheegtay in afhayeenka AMISOM uu u sheegay in qarax uu dhacay, balse cidna aysan waxba kaga noqon ciidamada Midowga Afrika.
Weerarkan, ayaa waxaa mas’uuuliyadiisa sheegatay Xarrakatul Shabaabul Mujaahidiin, iyadoo sarkaal u hadlay uu sheegay inay ku dileen qaraxa afar askari oo ka tirsan ciidammada Burundi oo watay gaadiidka qaraxa lala beegsaday.

Waa markii labaad oo agagaarkaas qarax lagu weeraro ciidamada Midowga Africa.

Warar kale: Dadaalo lagu doonayay in lagu sii daayo Yuusuf Dabo-geed oo fashil ku dhamaaday iyo warar sheegaya in Jirdil loo geystay.
Warar lagu kalsoonyahay oo ay heshay Idaacada Waajidpress ayaa xaqiijinaya inuu fashil ku idlaaday kulan dhexmaray Saraakiil Itoobiyaan ah iyo kuwa Soomaali ah,kaasi oo looga hadlayay sidii loo sii diin lahaa Yuusuf Axmed Hagar Dabo-geed.

Kulanka oo kadhacay Xadbeenaadka Wilaayada Hiiraan ay la wadaagto Itoobiya ayaa labada dhinac waxa ay uga hadleen sidii Ciidamada Itoobiya ay usii deyn lahaayeen Yuusuf Dabageed oo mudo Todobaad ku dhow ku xiran xabsi kuyaala deegaanka Feer-feer .

Saraakiisha Itoobiya ee kulanka ka qaybgalay ayaa sharuudo ku xiray siideynta Dabageed,sida uu inoo xaqiijiyay Sarkaal ay wadashaqeyn jireen Dabageed,iyadoona laga dayrinayaa xaaladiisa Caafimaad.

Ciidamada Itoobiya ayaa sii daynta dabageed waxay ku xireen inuu soo celiyo gaari dagaal oo ay saarnaayeen Ciidamo ku qalabeysan Rasaas,qoryaha fudfudud oo ay wahlinayaan dabajeexyo ,kuwaasi oo kal hore baxsaday haatan kusugan nawaaxiga matabaan ee gobalka Hiiraan .

Ciidamada Itoobiya ayaa sidoo kale ku eedeesay Dabageed inuu howlgaliyay Ciidamo taageersan lana shaqeeya Xarakada Mujaahidiinta alshabaab,islamarkaana hub aad u farabadan oo Itoobiya ay siisay loo gacan galiyay Wilaayada islaamiga ah ee Hiiraan.

Waxaa laxaqiijiyay haatan yuusuf Axmad Hagar Dabageed inuu xanuun la ildaranyahay ,islmarkaana uu matagay dhiig kadib markii mudo laba saac oo xiriir ah ay jirdileen Ciidamada Itoobiya ee haatan uu uxiran yahay.

Mana ahan markii ugu horeysay itoobiya ay xabsi dhigto Yuusuf dabageed iyo rag kale oo bilihii lasoo dhaafay ay ku abaabuleysay xuduud beenaadyada Itoobiya ay lawadaagto somaliya.

War Deg Deg ah: Wasiirka Haweenka ee Dowlada Soomaalia Drs. FOWSIYO, DIGILMIRIFLE GO,AAN CAD AYUU GAAREY

Wasiirkii Horumarinta Haweenka & Daryeelka Qoyska Drs. Fowsiyo Maxamed Sheekh Xasan oo ka soo jeeda Digil & Mirifle oo wareysi kulul siisey Idaacadaha Wadajir, Radio Muqdisho, Baidoanews.com, Hornafrik & Arlaadi ayaa waxay sheegtay in Digil & Mirifle xildhibaanadooda ay gaareen Go,aan loo wada dhan yahay.
Fowsiya waxay sheegtay inay aad uga xun tahay in kuwo waxmagarad ah ay xildhibanada uga hanjabeen inay dilayaan, xirayaan hadii aysan joojinin go,aanka adag ee ay qaateen balse waxay u sheegtay in DM aan marti ku aheyn Muqdisho balse ay yihiin shacabka Muqdisho ugu badan, Ciidamada dowladana 75% ay yihiin Wiilasha Digil & Mirifle.

Mar ay ka hadleysay Nidaamka dowliga ah ayaa waxay sheegtay inay haboon tahay in la kala fahmo micnaha Power Sharing isla markaana la fiiriyo qowmiyad dhan oo meesha ka baxda iyo shaqsi meesha ka baxa tayadooda.

Waxay baaq u direysaa Fowsiyo Xildhibaano wata Magaca DM oo hadana Hunguri dartiisa la rabo in dhiigooda la cabsiiyo, waxayna tiri Walaaliyaal kaaliya oo noo imaada hadii aad tihiin dad SAX ah oo ka dhashay Qowmiyada. Waxay kaloo tiri xildhibaano badan oo nagu mowqif ah oo qabiilo kale ka soo jeeda, sida Prof. Afrax oo Abgaal ah, Cabdi/Shakuur oo Habargidir ah, Jurile oo Daarood ah, IBBI oo dir ah iyo kuwo badan oo aan inta ku soo koobi kari , ayay tiri Drs. Fowsiyo.

Si kastaba ha ahaatee waxaa lagu wadaa saacadaha soo socda ee maanta in shir balaaran oo saxaafaduna looga yeerayo ay qabtaan Dhamaan Xildhibaano badan oo kala qabiil ah, Xaq u dirir ah, kaa soo lagu shaacin doono go,aanka ah inay ka baxayaan Dowlada hadii Farmaajo meesha lagu sii haayo!!!

Ra’iisul wasaraha Cusub oo lagu wado in berito lagu ansixyo fadhiga golaha Baaralamaanka Soomaaliya

Waxaa lagu wadaa in Maalinta berito ah in lagu ansixiyo Cod aqlabiyad ah Ra’iisul wasaaraha Cusub ee xukumadda KMG ah ee uu soo magacaabay Madaxweynaha Soomaliya Md Sheekh hariif Sheekh Axmed, kaas oo ansixintiisu ay muran Xoog leh ka dhax dhalisay Gudaha xubnaha golaha Baarlamanka Soomaaliya.

khilaafkaan oo gaaray heer ay besha caalamku soo fara geliso, isla markaasna wada ahadal lala yeesho madaxdda sar sare ee dawladda, si ay meesha uga saaraan is afgaran waaga sababay in uu hakad galo ansixinta Ra’iisul wasaraha Soomaliya Maxamed C/Laahi Maxamed (Farmaajo).

Sacadihii ugu dameeyay ayaa waxaa magaaladda Muqdisho ka soconayay kulamo gaar gaar ah oo ay leeyihiin Xubnaha golaha Baarlamaanka Federaalka Soomaaliya, kuwasi oo maanta ku kulansan 5 Hoteel oo ku kala yalla magaaladda Muqdisho, iyagoo u fadhiya 5-ta beelood ee uu ka kooban yahay Baarlamaanka ama 4.5, waxaana ay kulamadaasi ka kala socdaan Hoteeladda kala ah Saxfi One, Ambassador (oo ah kan ugu weyn uguna qaalisan, waxaana ku shiraya oo fadhiya beesha Digil & Mirifle), Nasa hablood two, Wehliye iyo Nasa Hablood one si ay uga arinsadaan beel walaba cidii u matali laheeyd Wasiiradda Xukumadda Cusub ee uu soo magacabaayo Marka la siiyo Codka kalsoonidda ah Ra’iisulo wasaraha cusub ee uu soo magaacaabay Madaxweyne Sheekh Shariif.

Sidoo kale kulamadaasi is daba joog ah oo soconayay malmihii la soo dhaafay kuwaasi oo siyaabo kala duwan oo ay uga hadlaayeen xubnaha Baarlamaanka, isla amarkaasna sii kala Fogeynayay Xubnaha baaralamaanka ayaa hadda u muqdda kuwo maanta isku aragti ka ah ka gadaal markii ay beesha calaamku soo fara gelisay soona afjartay wixii khilaaf ah ee la isku haystay.

Maalinta berito ah ayaa lagu wadaa inuu dhaco kulankii Baarlamaanka ee maalmahaan hakad ku jiray ayaa waxa ay wararkii ugu dambeeyay sheegaayan in ay kawada qeyb galayaan dhamaanba madaxdda sar sare ee dawladda, iyadoo xiligaasna si aan leex leex laheyinin ay u wada codeynayaan xubnaha Baarlamaanka halkaasina lagu soo afjarro wixii khilaaf ahaa ee jiray si uu u soo dhiso xukuumadii laga war sugayay maalmahan marka la ansixiyo Ra’iisul Wasaare Farmajo.

War Deg Deg ah: Madaxweyne Shariif iyo gudoomiyaha baarlamaanka Shariif Xasan oo si-xun iskugu hanjabay iyo Shariif Xasan oo sameystay ilaalo Digil iyo mirifle ah

Dowladda kmg ee Soomaaliya oo wax-qabad wanaagsan laga sugaayay ayaa afka kala furatay, iyadoo ay iminka isku soo jeedsadeen labadii masuul ee ugu sareysay dowladda, kuwaa oo ahaa laba shakhsi oo si-aad ah iskugu dhawaa.

Madaxweyne Shariif oo nin samir badan ah ayaa afka kala furtay, isagoo si caro leh ugu kacay gudoomiyaha baarlamaanka Shariif Xasan Sheekh Aadan oo ay cid walba oo Soomaali ah ay garan weyday, halka uu wax u wado iyo sida uu wax u doonaayo.

Shariif Sheekh Axmed ayaa ku hanjabay in uu talaabo adag uu ka qaadi doono gudoomiyaha baarlamaanka, isagoo si kulul u sheegay in uu Shariif Xasan yahay nin Qaran dumis ah, aan dooneyn in dowladda ay wax u qabato shacabka.

Madaxweynaha oo laga dheehan karay caro tii ugu darneed ebid ayaa sheegay in aysan isaga iyo Shariif Xasan ku wada hooyan doonin aqalka madaxtooyada ee Villa Somaliya, haddii uusan wax ka badalin Shariif Xasan hab-dhaqanka cusub ee uu lasoo baxay.

Sidoo kale garabka taabacsan madaxweynaha oo dhabarka kasoo riixaaya ayaa u muujiyay madaxweynaha xumaanta Shariif Xasan iyo qaladaadka uu aallaaba la-daba jooggo xukuumadda uu madaxweynaha ka yahay, isla-markaana madaxweyne Shariif ayaa iminka u muuqda mid hurdada ka kacay.

Dhanka kale Shariif Xasan oo aan sidaasi u hadlin ayaa hadalo yar-yar ku duqeeyay madaxweynaha, isagoo sheegay in nooca madaxweyne Shariif oo kale in uusan waxba ka qaadi kareen marnaba, isagoo intaasi ugu daray in uu cagaha dhulka dhigto, haddii kalana la-kala bixi doono.

Xaaladda labada Shariif ayaa waxay mareysaa halkii ugu darneed ebid, iyadoo aan la-ogeyn waxa uu ku dambeen doono mustaqbalka dhaw iyo kan fogba labada Shariif oo iyagu la-sheego in ay yihiin rag xidid ah.

Dhanka kale Gudoomiyaha baarlamaanka Shariif Xasan Sheekh Aadan oo ay iminka isku kacsan yihiin saxibkii ay sida wanaagsan iskugu fiicnaayeen ee madaxweyne Shariif Sheekh Axmed.

Shariif Xasan ayaa la-xaqiijiyay in uu sameystay ilaalo u gaar ah, kuwaa oo wax badan ka duwan kuwii horey u ilaalin jiray oo isku dhaf ahaa, isla-markaana ilaaladaan ayaa waxaa la-sheegay in ay u soo xuleen xubno ka tirsan baarlamaanka xukuumadda kmg ee Soomaaliya oo kasoo jeeda gobolaa Bay iyo Bakool.

Ilaaladaan ayaa waxaa la-sheegay in ay aad iyo aad u hubeysan yihiin tababaro kala duwan ku soo qaatey Ugandha iyo Itobiya ayna kasoo jeedaan Beesha Digil iyo Mirifle, waxaana la-sheegay dhaq dhaqaaq kasta oo u sameynaayo gudoomiyaha baarlamaanka in ay daba-socdaan oo aysan ka harin, tirada ayaa lagu qiyaasay 150 will oo aad dhalinyaro u ah.

Sidoo kale tani ayaa muujineysa in xaaladda aysan ahayn mid wanaagsan, kana duwan sidii hore oo ay ku dhisneed xukuumadda kmg ee Soomaaliya, waxaadna mooddaa in ay dhamaatay kalsoonidii diirneed ee ka dhexeysay madaxda sar sare ee dowladda.

Dhanka kale shacabka ku dhaqan magaaladda caasimadda ah ee Muqdisho oo ku jah-wareersan siyaasadda cakiran ee ka dhex taagan masuuliyiinta sar sare ee dowladda, ayaa waxay isweydiiyeen in masuuliyiinta dowladda ay yihiin rag caruur ah iyo in ay iska ciyaarayaan.

Marka aad u fiirsato xaaladda ay ku sugan yihiin masuuliyiinta sar sare ee dowaldda ayaa waxaa hubaal ah in aad niyadda iska dhaheyso, kuwaani maaha kuwa istaahila in ay hogaamiyaan shacabka Soomaaliyeed oo aad ka argagaxeyso hubka cul culus ee lagu dhameynaayo, isla-markaana shacabkii ayaa waxay noqdeen kuwo lugaha beella, kuwo gacma beella, kuwa ay soo gaartay dhaawacyo halis ah oo aysan ebid ka kici doonin, halka kuwii kalana ay noqdeen kuwa lagu habsiiyay ciidda.

Sidii ay RAXANWEYN u soo dhaweysey Mareexaan markii ay ka soo qaxeen Galgaduud

Dadaka dega gobolka Gedo waxey asalkooda kayimaadeen gobolada dhexe ee soomaaliya, gaar ahaan gobolka Galgaduud, sanadka markuu ahaa 1780 ayaa waxaa dhacay gobolada dhexe abaar aad u daran taasoo waxyeelo ba’an u geeysatay dadkii iyo xoolihii.
hadaba dadkii halkaas degenaa waxey go’aan kugaareen ineey isaga hayaamaan halkaas abaartu kudaba dheeraatay.

hadaba waxeey iyaga iyo xoolahoodaba usoo hayaameen oo afka soo saarey dhinaca gobolada Hiiraan iyo Shabeelaha dhexe, hadaba dadkii degenaa gobolka Hiiraan waxeey go’aansadeen ineeysan soo dhoweeynin oo eey dejinin dadkaa ilaa iyo 150 ka qoys ahaa iyaga iyo xoolahoodaba.

sidaa iyo silamid ah ayeey misna dadka degenaa Shabeelaha dhexe ugu diideen ineey degaameeyaan ama barbixiyaan dadkaas walaalahooda ah ee soo qaxay kana soo qaxay abaarahaas kudaba dheeraaday,
waxeey dib ugu soo laabteen dhinaca gobolka Hiiraan waxeey soo mareen jidkii dheeraa ee Tiyeegloow, Hudur ilaa iyo waxeey socdeen ilaa iyo Buurdhuubo.

kadib markii qabaa’ilaadkii degenaa meesha eey fadhi wada yeesheen waxaa la go’aamiyay in ladejiyo dadkaan walaalaha ah ee soomaaliyeed.

waxaana ladejiyay degaanka eey lahaayeen dadka ku abtirsada qabiilka Gasaarguthy sidii ayaa lagu dejiyay iyagoo markii hore ahaa ineey joogaan inta dhulkooda uu ugu da’ayo roob oo eey barwaaqo uga noqonaayo, laakiin waxeey noqdeen dad aan meel u socon iskaba daa ineey dib u laabtaan waxey u yeerteen inta xigtadooda aheyd ee jiray gobolka Galgaduud gaar ahan Caabudwaaq.

degaankii wuxuu noqday mid eey kusii fidaan, hadaba dadka ilaah naxariista u dhaliyay ee lahaa dhulkaas ineey waxba u arkin dadkaas dheeriga ah ee kusoo badanaya deegaanaas, waxeey socotaba arinta waxaa lagaaray sanadkii 1969kii xukunka lagula wareegay afgembigii uu madaxda ka ahaa Maxamed Siyaad Barre.

hadaba markii uu xoogeeystay xukunkii keligii taliyaha ahaa oo uu ogaaday in awoodiisa eey aad u adkaatay, dadkii degenaa gobolka Gedo waxeey noqdeen kuwa lasoo baxa kibir iyo isla weyni,
waxeey iloobeen in lasoo dhoweeyay oo ladejiyay, sidoo kale waxeey bilaabeen in eey fidaan kuna fidaan ilaa iyo Luuq markeey aad ugu fideen Luuq ayeey hadana aadeen dhulkii barwaaqada ahaa ee jameecada Baardheere,

waxeey bilaabeen ineey beerihii halkaas si tartiib tartiib ah ugu fidaan. marka dadkii intaas wanaag ah loo sameeyay maxeey abaalkii kadhigeen ineey kugudaan oo eeyna yiraahdaan DigilMirifly waxeey kala yihiin Digil+Raxaween waana dad aad u tiro yar oo ah beeraleey,

hadaan ladahlo qofka qoraalkaas qoray ee kasoo jeeda qaxootigii loo sameeyay did u dejinta sanadka markuu ahaa 1780kii ma wuxuu war u heeynin in aan awoowgiisa aniga dejiyay dhulka eey maanta degenyihiin, waa Kuray yar oo aan aqoon Qabaa’ilaadka Soomaaliya sida eey u kala badanyihiin iyo sideey u kala degaan,

waa Kurayga yar ee kala saaray hal Qowmiyadood oo kadhigay laba Qowmiyadood kuwaasoo ka dhigay Dir iyo Isaaq, waa u garaad xumo inuu diyaariyo oo uu qoraal kasameeyo wuxuusan aqoon u laheeyn,
mida kale waxaa ka maqan in DigilMirifly eey leeyihiin dhulka Soomaaliya inta ugu baaxada dheer uguna barwaaqeeysan,

mida kale waxaa kamaqan Kurayga yar in Dadaka DigilMirifly eey leeyihiin Laga bilaabo Masaajidka Marwaas ilaa iyo Dooloow, Masaajidka marwaas ilaa iyo Dhoobleey, Masaajidka marwaas ilaa iyo Buula xaawo.

hadaba inankaaga aqoonta eey kuyartahay waa inaad horta soo barataa Qabaa’ilaadka Soomaalida sida eey u kala badanyihiin iyo Degaanada eey kala degaan, Kurayahoow eey jaahilnimada ku fogaatay waxaa kuu dheer akhlaaq xumo waxaad xoogteen idinkoo ah 4 ruux gabar Soomaaliyeed oo nadiif ah, idinkoo ku faanaayay awood danbe oo og in aan waxba leeydiinka qaadi karin.

hadaba waxaan jeclaan lahaa inta lagu maxkamadeeyo oo xabsi dheer lagu geliyo, iska daa inaad wadanka xukun kaqabato, waxaan lahadlaayaa ninka wato qofkaan jaahilka ah ee raba inuu Ra’iisal wasaare kadhigto Shariif sheekh Axmed adiga ayeey aqoonta kugu yartahay hadaad keento qof kula mid ah wadanka ma u keeni kartaan horumar mana kasaari kartaan dhibka dabada dheeraaday ee shacabka soomaaliyeed daashaday?

jawaabtu waa maya hadaba hala raadiyo dad aqoon leh oo wadanka kasaara dhibka maanta eey kujiraan uma baahna soomaaliya maanta dhib dambe waxay ubaahan yihiin inay helaan dad Aqoon leh oo dhibka kasaara kuwaasoo ka fog, Qabiil & Cuqdad .

Xildhibaan Afaraale OO Wareysi Gaar ah Siiyey Idaacadaha

Xildhibaan Maxamed xuseen Afaraale oo kamid ah mudaniyaasha Baarlamaanka Soomaaliya gaar ahaan kuwa Digilmirifle ayaa si kull wuxuu u weerarey Maamlka Gobolka banaadir, Go,aankii Maxkamada Sare iyo xildhibanada calooshood ushaqeystiyaasha ah ee wata magaca DM hadana u ololeynaya kii diidey jiritaankooda.

Afaraale oo caro xoogan ka muqatay ayaa wxuu yiri Xamar anagu marti kuma nihi ee waxaa noo joogo in kabadan inta Askar ah ee ay u joogaan kan watey magaca maamulka gobolka Banaadir, ee waxaan leeyahay caga Dhigo ayu yiri Xamar oo wanaga dhaxeysaaye.

Maxkamad wax la yiraahdo oo halkaan hada ka jiro oo shaqeeya ma jirto ayuu yiri afaraale arinkaasina ma ahan mid ayada utaalo ama loo dirsadey ee waxaan ugu baaqayaa dadka calooshood shaqeystiyaasha ah waa inay joojiyaan waraaqaha copy-ga falsaha ah ee ay wareejinayaan.

Mar wax laga weydiiyay xildhibaanada qaarkood ee u ololeynaya inu raiisulwasaare noqdo Farmaajo ayaa wuxuu sheegey in ay jireen kuwa habeenkii Durbaan ku ciyaari jirey waagii ay xureynayeen Baydhabo iyo deegaanada kale hadana ay sidaa la mid yihiin balse waxaa lagu arki doonaa ayaga iyo wixii ay dhalaan Taariikhda DM.

Dumaashadii Ra’iisul Wasaarihii Ingriiska Tonny Blair oo Islaantey

Diinta Islaamka oo ah diinta ugu koriinka badan caalamka ayaa maalin walbo waxaa soo islaamo dad badan oo horey u haystay diinta Kiristanka amo diimo kale, kuwaasoo kadib marka ay ogaadaan ama arkaan mucjisooyinka (xaqiiqooyinka) Islaamka xambaarsan yahay, iyagoo aad u qashuucsan ku soo biiro Islaamka…

Lauren Booth oo ah dumaashida Riisul wasaarahii hore ee dalka Ingariiska ayaa dhawaan soo islaamtay iyadoo ku tilmaamtay diinta runta ah ii jirto, intaasne ku sii dartay iyadoo hada jirkeeda xijaabatay, qibradii barakeysneed ee Iraan, sababtoo ah waxay soo joogtay dalka iiraan in mudo ah iyadoo halkaas ka soo heshay hanuunka.. kadib markii ay aragtay wanaaga islaamka.

Booth ayaa hada marka ay gurigeeda ka tagayso qaadato xijaabka, waxayna joojisay dhamaan wax yaabihii ay horey u isticmaali jirtay xilligii aysan islaamka ahayn sida: Alkaholka, iyadoona tagtana masaajidka deegaanka ay degan tahay, sidoo kale waxa ay joojisay cunidii hilibka doofaarka kaas oo ah mid xaaraam ah diinta islaamka in la cuno, iyado sidoo kale aqriso Kutubka Quraanka kariimka.

Haweeneydan ayaa u sheegtay warbaahinta dalka Ingariiska inay degtay siday Islaamka u qaadatay, dareemaysana naxariis iyo farxad, waxayna intaas sii raacisay in Muslimiinta yihiin umad isjecel isna nabad galiso, aadna ugu faaneyso inay ka mid tahay.
waxay kaloo tiri ‘ Arinta layaabka leh waxay tahay ilaa inta aan go’aansadey inaan qaato islaamka, marna ma taaban waxa qamri ah, waxaana ahaa ruux jaleeca maqribadii galaas amo labo galaas oo qamri ah.

Waxay uga dhawaaqdey inay ku biirtay Islaamka xarunta ku taal magaalada London iyadoo hadlaysana waxay tiri ” Waxaan rabay inaan idin la qaybsado maanta waxay tahay inaan ahay Lauren Booth aanan noqdey Muslim.”