Xog hoose:Sh Shariif & Siilaanyo oo heshiis la galay Dubai Ports World

War aan ka helnay ilo ku dhowaa kulankii shalay Khamiistii dhex maray Shiikh Shariif Axmed, madaxweynaha DFKMG Soomaaliya iyo Madaxweynaha Maamulka Somaliland Axmed Maxamed Max’ud (Siilaanyo)  in kulankii shalay arrimaha looga hadlay ay ku jireen arrimo gaar u ahaa labada Madaxweyne iyo shirkadda Dubai Ports World[DPW] oo iyadu ku caam baxday qandaraasyo ay ku kiraysato gigooyinka diyaaradaha iyo dekedaha dalalka dunida, iyagoo markaas la wareegay maamulka gigooyinkaas.

Sida uu warka sheegayo, madaxda Somaliland ayaa in muddo ahba wada hadalo arrintaan la xiriira kula jiray Dubai Ports World [DPW] laakiin markii u dambaysay oo heshiisku soo dhammaaday DPW ay ku xujaysay in heshiiska ay qayb ka noqoto DFKMG isla markaasna ay wax ka saxiixsdo haddii kale aysan shirkaddu aqbalayn, waxaana warku intaas ku darayaa in dadaalka ay DPW ugu jirtay arrintan ay soo socotay ilaa iyo xilligii uu Daahir Riyaale madax-weynaha ka ahaa gobolkaas.

Warkan oo aan ka helnay ilo aan doonayn in la magaacaabo ayaa intaas ku daraya in heshiiskan oo la mid mid ay shirkadda DPW horay ula gashay dalka Djibouti ay qodobbada ku jira ka mid yihiin in shirkaddu ay dhisto, balaariso, oo ay casriyeeyso agabka adeegyada dekedda Berbera iyo gigada diyuuradaha ee magaaladaas, hasa yeeshee ma cadda saamiga boqoleyda ee shirkaddan DWP ee dowladda Dubai ee kula heshiisay maamulka Somaliland, halka sida la sheegay ay Djibouti kula heshiisay inay siiso saami ka yar 35% canshuuraha ka soo baxa dekedda iyo gigada.

Warka ayaa sheegay in Madaxweynaha DFKMG Shiikh Shariif uu qoraalka heshiiskaas saxiixay isaga oo aan wax dood ah ka keenin ka dib markii ay madaxda Somaliland ku qanciyeen sidaas isagoo taas dhaafsaday balan qaad ay madaxdaas ku siiyeen inay doorashada soo socota ee bisha agoosto ay isaga ku taageerayaan cododka xubnaha ka soo jeeda beelaha dega Soomaaliland ee ka qayb qaadanaya doorashadaas isla markaasna ay dhaqaale ahaan gacan weyn ka gaysan doonaan ololaha doorashadiisa.

Bishii February 2006dii dowladda Maraykanka ayaa diiday mashruuc ay shirkadda DPW rabtay sidan oo kale inay ku gadato dekedaha iyo gigooyinka diyaaradaha lix gobol (States) oo ka mid ah dalka Maraykanka, taasoo uu markaas u ololeynayay madax-weynihii hore ee dalka Maraykanka George W. Bush.

Shirkaddaan Dubai Ports World, oo markii ugu horeysay la aasaasay 1999kii ayaa waxaa saamigeeda ugu badan iska leh Amiirka Dubai Muxamad Bin Raashid Al-maktuum oo isagu ah ra’iisal wasaaraha isla markaasna ah madax-weyne ku xigeenka dalka Isutaga Imaaraadka-ka carabta, iyo waliba Amiirka sharciga ah ee Dubai.

Saxiixa heshiiskan ayaa waxaa goob jog ka ahaa madax-weynihii hore ee Somaliland Daahir Riyaal Kaahin, oo sida warku sheegayo isagu ka mid ahaa dadka u ololeeyniyay dhaqan gelinta heshiiskaan, Faysal Cali Waraabe, iyo xubno sarsare oo ka tirsan maamulkaas, waxaa sidoo kale joo gay xubno kale oo ka socda DFKMG inkastoo aan la magacaabin oo wehliyay madax-weyne SHiikh SHariif.

War deg deg ah: Askar badan oo ka tirsan Ciidamadda Amisom oo lagu dilay qarax xoogan oo ka dhacay Degmada Heliwaa

Qarax culus ayaa wuxuu goor dhaw uu la-kacay gaari ay la-socdeen Ciidamadda Midowga Afrika ee Amisom, iyadoo dhinaca kalana uu qaraxaasi ka dhashay khasaarooyin isugu jira dhimasho iyo dhaawacyo kala duwan oo soo kala gaaray Ciidamadda Amisom.

Dhawr gawaari ah oo ay la-socdeen Ciidamadda Midowga Afrika ee Amisom, ayaa waxay mid ka mid ah ay miino kula kacday Xaafadda Suuqa Xoolaha ee Degmada Heliwaa ee Gobolka Banaadir, waxaana ka dhashay khasaarooyin kala duwan.

Gaariga uu qaraxu la-kacday ayaa waxaa la-xaqiijiyay in uu soo gaaray burbur xoog leh, waxaase qaraxaasi ku dhintay ilaa dhawr askari oo ka tirsan Ciidamadda Amisom, halka kuwo kalana ay soo gaareyn dhaawacyo kala duwan.

Qaraxa kadib ayay afarta jiho rasaas xoog leh ay u fureyn Ciidamadda Amisom, mana jirto cid la-sheegay inay wax-yeelo ka soo gaartay rasaastaasi, isla-markaana qaraxa ayaa wuxuu dhacay xilli reer Muqdisho ay isu diyaarinayeen Salaaddii Maqribka ahayd ee caawa.

Wararka ayaa waxay intaasi ku darayaan in gaariga laga soo dejiyay askar isugu jira kuwo geeriyooday iyo kuwo kaloo ay soo gaareyn dhaawacyo kala duwan, isla-markaana kuwii dhaawacmay ayaa waxaa loo-soo qaaday Taliska Amisom ee Xalane, oo ku yaalla Garoonka Diyuuradaha Aadan Cadde ee Magaalada Muqdisho.

Saraakiisha Dowladda Kmg ah ee Soomaaliya ee Degmada Heliwaa ku sugan, ayaa waxay sheegeen in gaari ay lee-yihiin Ciidamadda Amisom uu qabsaday sida ay sheegeen qarax miino, balse waxay ka gaabsadeen inay shaaciyaan khasaaraha ka soo gaaray Amisom.

Qaraxaan oo loo-fishay in uu ahaa mid ay ka dambeysay Xarakada Al Shabaab ayaysan weli ka hadlin, laakiin waxaa suura-gal ah in saacadaha soo socda ay ka hadasho Xarakada Al Shabaab.

Ragga Guursadda Dumarka Farxadda Badan Oo La Ogaaday In Ay Ka Badbaadaan Xanuuno Badan Oo Halis Ku Ah Noloshoodda

Ragga nasiibka u yeesha guurka Dumarka farxadda badan ayaa la xaqiijiyay in aanay si dhakhso ah u cimri degdegin kana badbaadaan xanuuno badan oo halis galin kara noloshooda, sidaana waxa lagu sheegay natiijo ka soo baxday cilmi baadhis ay dhawaan sameeyeen khubaro ka tirsan Mahcadka lagu magacaabo Germany’s Max Planck Institute.

Cilmi baadhistan oo wax lagu waydiiyay Laba Kun oo qof oo isugu jira Rag iyo dumar xaasas leh ayaa lagu ogaaday in Ragga qaba xaasaska farxadda iyo wajiga furanaanta badani ay aad uga caafimaad badan yihiin maskax ahaan iyo jidh ahaanba Ragga kale ee qaba xaasaska cadhadda badan.

Sidoo kale, Khubaraddu waxa ay ku doodeen in farxadda iyo waji furnaanta ay haweenka la qabaa u yeeshaan Saygoodu in ay kaalin mihiim ah oo heer sare ka qaadato fayo dhawrka caafimaadka Ragga dhinac walba, taas oo ay sheegeen in horumarka, dadaalka iyo caafimaadka Raggu ay ku xidhan tahay hadba nooca ay noqdaan habdhaqanadda tigan ama taban ee ay kala kulmaan ooryaha ay qabaan.

RW CABDI-WELLI OO ERYEY MAAREEYIHII DEKADA MUQDISHO

29 June 2012 Waajidpress- Raisul wasaare cabdiweli ayaa shalay inta uusan u ambabixin Magaalada Kampala ee Dalka Uganda waxuu xilkii Maareeyanimo ee Dekedda Muqdisho ka qaaday Sayid Cali, Sayid cali ayaa xilkaan hayay Muddo aad u dheer isagoona ka sameeyay lacag aad u fara badan Maareeyanimada Dekedda Muqdisho maadaama uusan xisaabtan jirin Dalka Soomaaliya.

RW Cabdiweli ayaa u magacaabay Cabdullahi Cali Nuur oo ahaa madaxa Furdada Airport-ka Muqdisho inuu noqdo Maareeyaha Cusub ee dekedda Muqdisho. Madaxweyne Shariif ayaa la rabay Maareeyanimada Dekedda Muqdisho nin lagu Magacaabo Amiir, balse waxaa taasi hor istaagay Golaha Wasiiradda oo uu gudoomiyo RW Cabdiweli.

RW Cabdiweli ayaa magacaabida Maareeyanimada Dekedda Muqdisho kusoo aadiyey xili uu Madaxweyne Shariif dalka ka maqan yahay, ku simaha Madaxweynahana uu yahay Shariif Xasan. Shariif Xasan oo an nin xariif ah, aadna u yaqaan dantiisa gaarka ah ayaa ogolaaday magacaabidda Cabdullahi Cali Nuur, maadaama uu yahay nin ka madax banaan Madaxweyne Shariif.

RW Cabdiweli iyo Shariif Xasan ayaa kula heshiiyey Cabdullahi Cali Nuur Maareeyaha cusub inuu usoo adeego xiliga kala Guurka ah, si ay uga helaan lacag qeyb ka qaadata Campaign-ka ay ugu jiraan in ay iyagu dalka madax ka noqdaan, si ay u kala qaataan Madaxweynaha iyo Raisul wasaaraha. Madaxweyne Shariif ayaa marhore isku dayey inuu xilka ka qaado Maareeyihii hore ee Dekedda muqdisho balse waxaa arintaasi hor istaagay Golaha Wasiirada.

Maareeyihii hore ee Dekedda Sayid Cali ayaa usoo diray odoyaal beeshiisa ah inay la hadlaan Madaxweyne Shariif si uu u joojiyo xil ka qaadista uu la maaganaa Madaxweyne Shariif, Sayid Cali ayaa odoyaasha tusay lacag dhan 9,000,000 $ (Sagaal milyan Doolar) oo uu ku leeyahay Madaxweyne Shariif, Sayid Cali ayaa sheegay in lacagtaasi uu siinayay Madaxweyne Shariif Safar kasta oo uu dibadda u baxayo lacag gaaraysa 300,000$ (Sadex boqol kun Doolar) Maadaama madaxweynuhu todobaadkiiba baxo ugu yaraan labo ilaa 3 jeer, Sayid Cali ayaa sheegay in lacagaha uu siinayay Madaxweunaha Marka uu safaradda aadayo ay gaarayso boqolaal milyan doolar, balse uu ka deberayey dhaqaalaha Dekeda, haatana ay baaqi ku tahay Madaxweynaha lacagtaas dhan 9 milayn Doolar.

Odoyaasha oo u tagay madaxweynaha si ay ugala hadlaan inuusan xilka ka qaadin Sayid Cali ayaa u sheegay in wiilka ay ka maqan tahay lacag dhan 9 milyan doolar oo ah lacag qeyb ka ah lacagaha uu madaxweynuhu qaato marka uu safarada aadayo, sidaa daraadeedna waxaa ay madaxweynaha ka codsadeen inuu muddo 3 bilood ah u dhaafo Sayid Cali inuu sii Maamulo Dekedda si uu usoo ceshado lacagta ka maqan oo dhameyd 9 milyan, codsigaas oo uu madaxweynuhu aqbalay.

Sadexdii Bilood markii ay dhamaatay ayuu madaxweyne Shariif usoo gudbiyey Golaha Wasiirada oo uu gudoomiyo RW Cabdiweil Magaca nin kale oo cusub oo uu madaxweynuhu doonayey inuu ugu adeego si ka fiican sidii Sayid Cali ugu adeegi jiray, shaqsiga madaxweynuhu la doonayey Maareeyanimada Dekedda Muqdisho ayaa lagu magacaabaa Amiir, Balse taasi waxaa diidey RW Cabdi weli, Raisulwasaaraha isaga oo maraya dhabaha saxda ah ayuu u soo gudbiyey Maareeyaha Cusub Cabdullahi Cali Nuur kusimaha Madaxweynaha Shariif Xasan Sheekh Aaden waxuuna ka ansaxsaday kusimaha Madaxweynaha magaacbistaan xili madaxweyne Shariif uu ku maqan yahay safar dibadda ah.

Isku soo wada duube dhaqaalaha Dekedda Muqdisho ayaa noqday meesha ugu musuqmaasuqu badan ilaha Dhaqaalaha Dalka Soomaaliya, gaar ahaan inta yar ee ay maamusho Dawladda Soomaaliya.

Lacagta Ganacsatada iyo Maareeyayaasha Dekedda Muqdisho ay ku shubaan Bankiga Soomaaliya ayaa ka yar 10% daqliga Dekedda , lacagta inta Hartayna waxaa kala qaata Maareeyaha iyo Madaxda Dalka, qaarna waxaa loo dhaafaa ganacsatada.

Maamulka Dekedda laamaheeda kala duwan ayaa u sameysan qaab isku xiran oo isla shaqeeya, islana fududeeya hawlaha lagu lunsanayo dhaqaalaha Dalka.

RW Cabdiweli iyo Shariif Xasan ayaa la filayaa iyagana in ay Markooda dhuuqaan dhaqaalaha dekedda muqdisho oo noqday mid aan lagu xisaabtamin, lana dabagelin, maadaama ay labadaan masuul gacan ka heystaan Amb. Mahiga. AMISOM-na waxay sitoos ah ula shaqeynaysaa RW Cabdiweli. Waxaa muuqata xiligaan kalaguurka ah in Madaxweyne Shariif ku socdo wadadii Nuur Cadde Mariyey madaxweyne Cabdullaahi Yuusuf.

Madaxwyne Shariif ayaa u muuqda mid caalamku ay hadda door bidayaan inuu siyaasadda banaanka ka istaago, magacaabidii shalay la magacaabay maareeye uusan la socon madaxweyne Shariif ayaa noqonaysa mid ka mid ah talaabooyinka looga taqalusayo madaxweyne Shariif.

SAFIIRKA MARAYKAN EE DALKA KENYA OO IS CASILEY

 

Jimco, June 29, 2012 (WAAJIDPRESS  - Scott Gration ayaa la sheegay inuu is casilaadiisa u gudbiyay isniintii hore madaxweynaha dalka Maraykanka Barrack Obama iyo xoghayaha arrimaha dibada Hillary cilinton.

Iscasilaada Gration waxaa lagu micneeyay is faham la’aan dhanka hogaanka ah .

Waxaana uu xilkan banneeyay, kadib markii uu soo hayay tan iyo bishii May ee sannadkii 2011ka.

Scott Gration oo muddo dheer ku noolaa dalka Kenya ka hor inta aanu safiirka noqon kuna hadli jiray luuqada Ksiwahiliga ayaa sheegay inuu ku faraxsanyahay in muddo ka badan 35 sano uu u adeegeeyay dalkiisa.

Waxaa uu sheegay inuu isaga iyo xaaskiisa Juddy ay farxad u ahayd markii uu noqday safiirka Maraykanka u jooga dalka Kenya, uuna uga faa’iidaysan karo fursadaas aqoontiisa qotoda dheer ee u leeyahay dalka Kenya.

Scott Gration ayaa badalay markii hore safiirkii ka horreeyay isaga Michael Renebegar  oo lagu tilmaami jiray inuu ahaa nin saamayn wayn ku leh siyaasada dalka Kenya, balse la badalay markii lasoo bandhigay warbixinnadii sirta ahaa ee Wikileaks, taasoo xumaysay xiriiirka ka dhexeeyay Renebegar iyo madaxda dalka Kenya.

Ma cada cida badali doonta Scott Gration oo horayna u ahaan jiray ergayga Maraykanka u qaabilsanaa Sudan intii aysan kala go’in.

DAAWO: FADLIGA MAALINTA JIMCAHA AY LEEDAHAY

Ciidamo hor leh oo ka socda dalka Jabuti oo la geeyay Baladweyn.

Gudoomiye ku xigeenka dhanka Amniga maamulka gobalka Hiiraan Axmed Inji ayaa sheegay in ciidamo hor leh oo wadanka Jabuti ka socda ay gaareen magaalada Baladweyn ee xarunta gobalkaasi.

Ciidamada ayaa qeyb ka noqon doono kuwa horay u joogay gobalka hiiraan oo ka socday Dowlada Jabuuti.

Axmed Inji ayaa ugu baaqay shacabka gobalka inay si diiran u soo dhoweeyaan ciidamada bacdamaa sida uu sheegay ay ka caawin doonaan nabad ku soo celinta soomaaliya.

Inji ayaa intaa ku daray in ciidamada amaanka gobalka Hiiraan ay gacanta ku soo dhigeen waxyaabo qarxa oo lagu samaynayay qaar ka mid ah xaafadaha magaalada Baladweyne ka dib howl galo ay sameeyeen ciidamada.

Baladweyne ayaa waxaa horay loo geeyay ciidamo ka socda dalka Jabuti kuwaas oo qeyb ka ah ciidamada AMISOM.

DAAWO: BARNAAMIJKA AFKA MAAY MAAYGA

War deg deg ah: Hogaamiya kooxeed yadii hore oo Muqdisho ku shiray

Hogaamiya kooxeed yadii hore ayaa shir iusgu yimaaday oo ay kaga hadlaayaan arrimaha Soomalaiya iyo doorashada Soomaaliya ee lagu wado in ay dhacdo bisja August ee fooda nagu soo heeysa.

Shirkaan ayaa waxa si aad ah ugu dhax muuqday hogaamiya kooxeedya caanka ah Soomaaliya sida Muusa Suudi , Max,ed Qanyare , Max,ed Dheere , Max,ed siid Aadan , C/Qaadir Bebe iyo Bashiira Raage, waaxana la sheegay in shirkooda ay ugu hadlayeen xaalada uu wadanka kus ugan yahay.

Hogaamiya kooxeedyadaan ayaa isla soo hadal qaaday qaabka hada wax usocdaan iyo xaalada uuwadanka ku sugan yahay, waxaana la sheegay in ay islameel dhigeen in si wada jir ah ay u wajahaan doorashada soo socta ee lagu wado in ay dhacdo bisha Augusta ee sanadkaan.

Shirka hogaamiya kooxeedyada ayaa ku soo beegmaya xiili uu wadanka uu gali rabo xaalad kala guur ah , iyadoo xilliga KMG uu ku egyahay bisha August.

Hogaamiya kooxeedyada Soomaaliya ayaa hawada ka baxay tan iyo marki maxaakimti hore ee islaamiga ay ka saareen inta badan wadanka ,waxaana yaraatay awoodi ay ku lahaayeen wadanka, iyagoo afduub ku heeysan jiray shacabka.

War deg deg ah: Madaxweyne Faroole: HeshiisAan Waxbo Tareenin Ayaa Ka Soo Baxay Dubai

Dubai (WAAJIDPRESS) Madaxweynaha maamulka Puntland Cabdi Raxmaan Maxamed Maxamuud Faroole ayaa ka soo horjeestay heshiiskii shaley ay kula saxiixdeen magaalada Dubai ee dalka isku tagga imaaradka carabta madaxweynaha DKMG ah Soomaaliya Shariif Sheekh Axmed iyo madaxweynaha Somaliland Axmed Maxamed Maxamuud Siilaanyo.

Madaxweyne Faroole oo goobjoog ka ahaa heshiiskaas ayaa sheegay in
Wixii aan annga ku jirin horrey ayaan u sheegay in aan taageersaneen, waxa ka soo baxay qoraal yer oo inna wax tareen, marka wixii meesha ay ku saxiixeen wax Soomaali aan u tareen ayey ahaayeen.