Archive for November, 2012

DEG DEG: Qarax caawa ka dhacay Warshadii Hilibka ee Magaalada Kismaayo

November 30, 2012

WAAJIDPRESS – 30 Nov 2012:

Qarax jug xoogan sameeyay ayaa wuxuu goor dhaw oo caawa ah uu ka dhacay Magaalada Kismaayo ee Xaruunta Gobolka Jubbada Hoose, iyadoo uu baqdin ku keenay shacabka reer Kismaayo.

Qaraxaan oo aysan kala cadeyn nooca uu yahay ayaa wuxuu goor dhaw uu ka dhacay Dhismaha Warshadii Hilibka ee Magaalada Kismaayo, oo ku taala Bartamaha Magaalada Kismaayo.

Sawaxan xoogan oo laga maqlay Magaalada Kismaayo ayaa waxaa xigay rasaas aan loo meel dayin, iyadoo ilaa iyo iminka rasaas aan kala joogsi laheyn laga maqlaayo Magaalada Kismaayo.

Shacabka ku dhaqan Magaalada Kismaayo ayaa waxay dareen ka muujinayaan in Ciidamada Huwanta ay wax yeelo kula kacaan shacabka reer Kismaayo, bacdamaa Ciidamada Huwanta looga bartay inay hawl galo ballaaran kula dhaqaaqaan, xilliyada ay qaraxyadu ka dhacaan Magaalada.

Warshadii Hilibka ee Magaalada Kismaayo oo ku taala inta u dhaxeyso Xaafadaha Guulwade iyo Farjano, ayaa waxa suura gal tahay in shacabka aaggaasi ku dhaqan ay hawl galo kula kulmaan Ciidamada Huwanta.

Maanta ayay ahayd markii Magaalada Kismaayo lagu dilay nin dhalinyaro ah oo lagu magacaabi jiray Maxamed Fanax, kaasoo ay dhawr xabadood qeybaha sare ee jirkiisa uga dhufteen niman bistoolado ku hubeysnaa.

Magaalada Kismaayo ee Xaruunta Gobolka Jubbada Hoose ayaa waxaa labadii bilood ee ugu dambeysay ka dhacaayay weeraro qorsheysan oo dilal iyo qaraxyabo leh, iyadoo ay markaasi fulinayaan Ciidamada Amniyaadka ee kooxda Al Shabaab.

Salaadiinta & Xildhibaanada Gobolada Jubbooyinka oo hal meel uga soo jeestay Saraakiisha Raaskambooni

November 30, 2012

Xildhibaanada Baarlamaanka Soomaaliya ee Gobolada Jubbooyinka ka soo jeeda iyo Salaadiinta Jubbooyinka, ayaa waxay iyagu iska fogaayeen eedeymo lagu tuhmaayay, haddii ayba jiraan.

Xildhibaano, Salaadiin iyo Wax garad ka soo jeeda Gobolka Jubbooyinka, ayaa waxay maanta Magaalada Muqdisho ay kulan ballaaran kula qaateen Wasiirka Wasaarada Arrimaha Gudaha ahna Amniga Qaranka ee Xukuumada Soomaaliya Mudane C/Kariin Xuseen Guuleed.

Suldaan Rashiid Buube Nuur oo ka tirsan Salaadiinta sida weyn leh looga yaqaano Gobolada Jubbooyinka, ayaa wxuuu si cad uu u sheegay in Odayaasha iyo dadka ku dhaqan Gobolada Jubbooyinka aysan wadin wax hagardaamo ah, sida uu yiri.

Suldaanka ayaa wuxuu sheegay in shacabka ku dhaqan Gobolada Jubbooyinka ay yihiin dad walaalo ah, isla-markana wuxuu xusay inaysan jirin wax cuqdad ama colaad ah oo ka dhaxeysa.

Laakiin wuxuu sheegay in hogaamiye-yaasha xilligaan heysta Magaalada Kismaayo waa Maamulka Jabhadda Raaskambooni’e, ay iyagu arintaan ku doonayaan sida uu sheegay sidii ay xilal uga qaban lahaayeen Maamulka Gobolada Jubbooyinka lagu wado in loo soo dhiso.

C/Qaadir Xaaji Maxamd “Luga Dheere” oo isna ka mid ah Siyaasiyiinta Gobolada Jubbooyinka ka soo jeedo, ayaa wuxuu sheegay inay ku qanacsan yihiin in Maamul U Sameynta Gobolada Jubbooyinka lagala xaajoodo Dowladda Soomaaliya.

“Waxaan lee nahay hooyo iyo aabe, waxaa hooyo iyo aababa inoo ah Dowladda Soomaaliya, cidii wax la dooneysa Gobolada Jubbooyinka ha soo maraan Dowladda, Dowladda Kenya haddii ay wax nala rabto ha soo marto Dowladda, Igad haddii uu wax nala doonaayo ha soo maro Dowladda, Beesha Caalamka haddii ay wax nala dooneyso ha soo marto Dowladda.” ayuu yiri C/Qaadir Luga Dheere.

Gudoomiyaha Jabhadda Raaskambooni Sheekh Axmed Maxamed Islaam “Sheekh Axmed Madoobe” iyo Afhayeenka Raaskambooni Col. C/Naasir Seeraar Maax, ayaa waxaa dhawaan si qoto dhaw leh loogu eedeeyay inay iyagu saluugsan yihiin Dowladda Soomaaliya, oo ay taageerayaan qorshaha Kenya ee Jubbooyinka ku aadan.

Mareykanka iyo Midowga Africa oo ka arinsaday Xaaladda Somalia

November 30, 2012

WAAJIDPRESS – 30 NOV 2012:

Xoghaya arimaha dibada dalka Mareynkanka Haweyneyda lagu Magacaabo Heliry Clinton ayaa waxa ay la kulmeysaa Gudoomiyaha Midowga Africa haweeneyda lagu magacaabo Nkosazana Dlamini-Zuma. oo dhawaan iyadu loo doortay inay noqoto Madax ururka Wadamada Midowga africa waxaana kulankaasi lagu jeejeexay arimo badan oo Soomaaliya ay ka mid tahay.
Heliri Clinton iyo Nkosazana Dlamini-Zuma ayaa kulankooda waxuu yahay mid inta badan diirada lagu Saarayo arimaha Soomaaliya gaar ahaan ciidamada Midowga Africa ee ku sugan Soomaaliya kuwaasi oo gacansiinaya dowlada Soomaaliya iyo hormarkii ay sameeyeen dhawaan goobihii ugu danbeeyay ay la wareegeen.
Waxaana labada Mas’uul si gaar ah muhiimada u siin doonaan arimaha dhaqaalaha Ciidamada Nabad ilaalinta u jooga Soomaaliya si loo dhiira giliyo, xaalada Bini-adanimada ee haaysata dadka ku dhaqan Goobaha laga saaray Al-Shabaab iyo Sidii loo sugi lahaa degaanada dhawaan Al-Shabaab laga Saaray.waxaana Sidoo kale warar hordhac ah ee ka soo baxaya kulanka labada Mas’uul ay sheegayaan in lagu Soo hadal qaaday Magaalo xeebeedka Kismaayo ay la wareegeen Ciidamada Huwan bilo ka hor iyo Sidii Magaaladaasi amaankeeda loo hagaajin lahaa oo ciidamada Midowga africa ay qeyb libaaxle kaga qaadan lahaayeen.
Xoghaya arimaha dibada mareynkanka iyo Gudoomisada Midowga Africa ayaa si weyn u amaanay Ciidamada midowga africa sida ay kaga qeyb qaadayanaan dib u soo celinta kala danbeyntii iyo nidaamkii ka jiray Dalka Soomaaliya oo mudo burbursanaa dagaalo jiray owgood,waxayna ugu baaqeen inay sii wadaan dadaalada ay ka wadaan Soomaaliya.
Ugu danbeyntii kulanka oo ay ka soo qeyb galeen Mas’uuliyin ka tirsan wadamada africa iyo madax kale ayaa dhanka kale waxaa loogu hadlo doonaa arimaha Maali oo haatan indhaha beesha caalamka ay hayaan sida ugu fudud ee ciidamo nabad ilaalin ah loogu diri karo iyo arimaha Dalka Jamhuuriyada Dimuqraadiga ee Kongo dhibaatada ka taagan iyo sida lagu xalin karo waxaana shirka ka qeyb galaya Madax ka ka kala socota wadamadaasi.

Shariif Xasan Sheekh Adan oo siyaasadiisii dib u bilaabay Wadana dagaal siyaasadeed uu ku bur burinayo Maamulka…

November 30, 2012

WAAJIDPRESS – 30 NOV 2012:

Gudomiyihi hore ee Barlamanka Somalia Shariif Xasan Sh Adan ayaa waxaa uu mudoyinka danbe laba jibaray dadaal uu ku doonayo in Gobolada Konfureed ee Somalia samaystaan hal Maamul Goboleed.

Shariif Xasan oo qorshaaan in mudo ah soo waday ayaa waxaa uu caqabaado badan kala kulmay Sh.Adaan Madoobe oo asagana mar horay u soo noqday Gudomiyaha Baralamanka Somalia islamarkana donayay in uu Maamul Goboleedka Konfur Galbeed State Madaxweyne u ka noqdo.

Warar laga helayo ilo xog ogaal ah ayaa waxaa tibaxayaan in ugu danbeyn labadaas masuul ay is afgarteen islamarkana ay xaliyeen khilaafki hortagna dhisida Maamul Goboleedka Konfur Galbeed State oo ka bilaabanaya MASJIDKA ARBACA RUKUN EE MUQDISHO.

Shariif Xasan Sh Adan oo ah hada Musharaxa rasmiga ah ee Xilka Madaxweynaha Dowlad Goboledka Konfur Galbeed State ayaa waxaa uu wada dagaal siyaasadeed uu ku bur burinayo maamulka Jubbaland State waxuuna arinkaasi la kaashanaya qaar ka mid ah Masuuliyinta beelaha daga Jubboyinka iyo Gedo iyo waliba Qurbajoogta ka soo jeeda deeganadaasi.

Maamul Goboleedka Konfur Galbeed State ayaa waxaa la shegay in uu ka kooban yahay 6 gobol oo kala ah Bay, Bakool, Sh.dhexe Jubbada hoose , Jubbad dhexe iyo Gedo ayadoo dadka Goboladaasi dagana aysan la dhacsanayn Qorsha Maamul usameynta 6 da Gobol ee uu wado Shariif Xasan.

Shariif Xasan ayaa waxaa dhawaan lagu wada in uu boqasho ku taago Magaloyinka Baydhabo ,Marka, iyo Luuq halkaas oo uu ku qaban doono shirar lagu dhiri galinaayo dhismaha Maamul Goboleedka Konfur Galbeed Somalia waxa sido kale uu Siyaasadda caanka ahayd u isticmaali doona dadka dagan Goboladaasi si ay u garab istagaan Howlaha u wado .

Ma cada sida u ku hergali karo Maamulkaan ka kooban 6da gobol xili dadka daga Gobolada Jubboyinka iyo Gedo ay ku heshiyeen in ay Maamul sameystan isla markana ay guda galeen oo ay Dasturkiba qorteen Shirweynihi lagu soodooran laha Madaxweynahana dhawan la filaayo in uu ka furmo kismaayo.

DAAWO VIDEO:-Madaxweynaha Soomaliya Xasan Sh.Maxamud Oo Maanta Dib Ugu Soo Labtay Magalada Muqdisho

November 30, 2012

WAAJIDPRESS – 30 NOV 2012:

Madaxaweynaha Soomaaliya Xasan Sheekh Maxamuud Ayaa Maanta Dib Ugu Soo Labtay Magalada Muqdisho.

madaxweynaha Aya faahfaahin waxa uu ka Baxiyey safaradiisii Uu Ku marayey Dalalkajabuuti Iyo Itoobiya waxana Uu Sheegay Inay Heshiiis wax ku ool Ah lasoo galeen.

War Deg Deg Ah: Madaxweynaha Soomaaliya iyo Wafdigiisa oo Goordhow Dib ugu soo Laabtay Muqdisho

November 30, 2012

Waxa goodhow soo gaaray magalaada Muqdisho wafdi uu hoggaaminaayo madaxweynaha Soomaaliya Xasan Sheekh Maxamuud kuwaasoo safaro dhowr ah ku soo kala bixiyay waddamo ku yaalla geeska Africa.
Wafdiga madaxweynaha oo ay ka mid ahaayeen wasiirka gaashandhiga Cabdixakiin Maxamuud Fiqi, ra’iisal wasaare ku-xigeenka Soomaaliya ahna wasiirka arrimaha dibedda Fowsiyo Yuusuf Xaaji Aadan iyo mas’uuliyiin ka tirsan xafiiska madaxtooyadda Villa Soomaaliya.
Madaxweynaha iyo wafdiga la socday markii ay diyaarada ka soo dageen, waxa soo dhaweeyay Gudoomiyaha baarlamaanka Prof. Maxamed Sheekh Cismaan Jawaari iyo ra’iisal wasaaraha xukuumadda Cabdi Faaarx Shirdoon.
Madaxweynaha iyo wafdigiisa ayaa hadda ku sugan qolka VIP-da ee garoonka diyaaradaha Muqidsho, halkaasoo goordhow lagu wado inay kula hadlay saxaafadda.
Madaxweynaha iyo wafdigiisa ayaa ka soo laabtay waddamada Ethiopia iyo Djibouti.
Madaxweyne Xasan Sheekh iyo wafdigiisa ayaa la filayay maanta in ay gaaran dalka Kenya, waxayse wararku qaar tibaaxayaan in uu jiro Khilaaf Madaxda Kenya iyo Soomaaliya u dhexeeya, walow horey loo shaaciyay in madaxweynaha uu booqashadiisa waddanka Saddexaad ay u ahayd Kenya.

War deg deg ah: Madaxweyne Xasan:- “Ethiopia ayaa dib u dhiseysa Milatariga Somalia”

November 30, 2012

WAAJIDPRESS – 30 Nov 2012:

Madaxweynaha Somalia oo shalay booqasho ku tagay magaalada Addis-Ababa, ayaa ammaanay wax uu ugu yeeray kaalinta Ethiopia ee dhismaha nabadda iyo xasiloonida Somalia.

Xasan Sheikh Maxamuud, ayaa sheegay in Ethiopia aysan waxba la harin marka ay timaado dadaalladeeda ku wajahan joogteynta xasilooni iyo nabad lagu soo dabbaalo Somalia.

Madaxweynaha ayaa dhinaca kalena sheegaya in Ethiopia ay ku tabrucday inay dib u dhis ku sameyso ciidamada xooga dalka Somalia.

“Tabarucaadda Ethiopia ee ku aadan dhismaha milatariga Somalia, waa mid aad muhim u ah” ayuu yiri Xasan Sheikh.

Si kastaba dad badan ayaa shaki ka qaba inay xaqiiq tahay in Ethiopia ay kaalin ka qaadaneyso dib u dhiska milatariga Somalia, sababo la xiriria xafaaltankii hore ee labada dal.

Madaxweynaha ayaa Ethiopia ku ammaanay taageerada ay la garab taagan tahay dadka Soomaaliyeed ee dalkeeda ku nool.

Dhinaca kale, ra’iisul wasaaraha Ethiopia Hailemariam Dessalegn ayaa sheegay in ciidankiisa ay sii joogi doonaan dalka Somalia, inta laga xaqiijo in Al-Shabaab ay ka gaarto heer aysan weligeed dambe dib usoo noolaan.

War deg deg ah: Dowlada Falastiin OO loo ogolaadey ka mid noqosha THE UNITED NATIONS.

November 30, 2012

WAAJIDPRESS – 30 Nov 2012:

Saacad kahor golaha guud ee Qaramada Midoobay ayaa waxa ay u fariisteen mashruuc ay keentay dawlada Suudaan kaasoo golaha guud ee looga codsanayo in dawlada Falastiin la siiyo xubin korjoogto ka ah Qaramada Midoobay.

Falastiin madaxweynaheeda Maxamuud Cabaas ayaa maanta golaha guud ee Qaramada Midoobay horegeyay mashruucan ay ku dalbanaayo in dowladiisa loo ogolaado ka qeybgalka kulamada Qaramada Midoobay inkastoo aysan xubin rasmi ah ka ahayn Qaramada Midoobay.

kulankaan ayaa iskugu yimid dalal gaaraya illaa 126 dawladood, waxaana ku jirta dawlada Soomaaliya oo ka mid ah dawladaha sida weyn u taageeray in Falastiin ay kamid noqoto Qaramada Midoobay.

Hadaba waxaa suura galay wax yar kahor in Falastiin xubin ka noqodaan ururka qaramada midoobay, arinkaan ayaa la dhihi karaa in dadka reer falastiin ay gaareen xaquuq ay ku taamayeen ku dhawaad boqol sano.

WAR DEG DEG AH:- Dagaal xoogan oo ay ka qeyb qaadanaayaa diyaarado dagaal oo dib uga qarxay gobalka Gedo.

November 30, 2012

WAAJIDPRESS 30 Nov 2012:

Wararka haatan naga soo gaaraya gobalka Gedo ayaa waxay sheegayaan in uu dib u qarxay dagaal qaraar oo ay ka qeyb qaadanaayaan diyaarado dagaal kaa oo u dhaxeeya ciidamada dowladda Soomaaliya oo garab ka helaaya kuwa Kenya iyo Al-shabaab oo dhinac ah.

Dagaalkaan ayaa qarxay ka dib markii ciidamada dowladda Soomaaliya iyo kuwa Kenya ay duulaan culus kusii qaadeen fariisin ciidamada Al-shabaab ay ku leeyihiin duleedka degmada Garbahaareey ee xarunta gobalkaasi.

Ilaa iyo haatan macadda qasaaraha rasmiga ah ee halkaasi ka dhashay waxaana la isku adeegsanaayaan hubka cul culus, iyadoona xaaladda guud ay tahay mid aad iyo aad u kacsan.

Waxaan isku daynay inaan xiriir la sameenno qaar ka mid ah saraakiisha dowladda Soomaaliya si aan faah faahin dheeraad ah u helno hase ahaatee waa inoo suurta geli weysay arintaasi.

Warkaan wixii kusoo kordha kala soco wararkeena kale Insha Allah.

BARO MAGACYADA ALLAH

November 30, 2012

WAAJIDPRESS – 30 Nov 2012:

الله –الرحمن — الرحيم — الملك — القدوس– السلام المؤمن — المهيمن — العزيز — الجبار — المتكبر –الخالق البارئ — المصور — الغفار — القهار — الوهاب — الرزاق –الفتاح– العليم — القابض — الباسط — الخافض — الرافع –المعز –المذل — الس ميع — البصير — الحكم — العدل–اللطيف — الخبير –الحليم — العظيم — الغفور — الشكور العلي — الكبير – - الحفيظ– المقيت — الحسيب — الجليل–الكريم — الرقيب — المجيب –الواسع — الحكيم — الودود–المجيد — الباعث — الشهيد — الحق –الوكيل — القوي–المتين — الولي — الحميد — المحصي — المبدئ– المعيد-المحيي — المميت — الحي — القيوم — الواجد — الماجد الواحد — الأحد — الصمد — القادر — المقتدر — المقدم–المؤخر — الأول — الآخر — الظاهر — الباطن — الوالي–المتعالي –البر — التواب — المنتقم — العفو — الرءوف–مالك الملك — ذو الجلال والإكرام — المقسط — الجامع–الغني — المغني — المانع –الضار — النافع — النور — الهادي — البديع — الباقي — الوارث– الرشيد — الصبور


Follow

Get every new post delivered to your Inbox.

Join 46 other followers