War deg deg ah: Cumar Cabdi-Rashiid OO hadda loo magacaabey Raisul wasaare

December 17, 2014

WAAJIDPRESS -17 Dec 2014:

image

image

image

Madaxweynaha Dowlada Muqdisho Xasan Sheekh Maxamuud ayaa si rasmi ah u magacaabay Ra’iisul wasaaraha cusub ee Xukuumada Muqdisho, kaddib markii lixdii bishan ay baarlamaanka codka kalsoonida ah kala laabteen Ra’iiusal wasaare Cabdiweli Sheekh Axmed.
Munaasabad lagu qabtay xarunta Madaxtooyada Muqdisho oo ay ka qeyb galeen Xildhibaanno iyo Mas’uuliyiin kale ayuu Madaxweyne Xasan Sheekh waxa uu Ra’iisul wasaaraha Xukuumada u magacaabay Cumar C/rashiid Cali.

Xasan Sheekh ayaa u rajeeyay Ra’iisul wasaaraha cusub in uu ka soo dhalaalo howlaha loo igmaday, isla markaana uu soo dhiso xukuumad tayo leh oo dalka gaarsiisa hiigsiga sanadka 2016-ka.

Ra’iisul wasaaraha cusub ee Soomaaliya mudane Cumar Cabdirashiid Cali Sharma’arke ayaa uga mahadceliyay Madaxweynaha xilkan adag ee uu u magacaabay, waxaana uu balan qaaday in uu wax badan qaban doono, isla markaana uu dalka gaarsiin doono inay ka dhacdo doorasho xor ah, marka la gaaro sanadka 2016-ka.

Madaxweye Xasan iyo Xertiisa oo kulan la qaatay Cumar C/rashiid iyo Xog ku aadan waxii ay kawada hadleen

December 17, 2014

WAAJIDPRESS – 17 Dec 2014:

Wararka aan ka heleyno Xarunta Madaxtooyada ViIlla Soomaaliya ayaa sheegaya in xalay Madaxweyne Xasan Sheekh Maxamuud ,iyo xubno katirsan Xerta ku xeeran ay kulan albaabada u xirnaayeen la qaateen Cumar Cabdirashiid Cali oo loo badinayo in loo magacaabo R/Wasaaraha Soomaaliya.

Kulanka ayaa inta badan waxaa su’aalo Madaxweynaha iyo xertiisa ku weediiyeen Cumar Cabdirashiid , waxaa sidoo kale jiray in Masuulkan la filayo in laga dhigo R/Wasaaraha Soomaaliya Miiska loo soo saaray shuruud badan oo qeyb ka ahaayeen Wasiirada uu magacaabayo.

Wararka laga helayo ilo kusugan Madaxtooyada Soomaaliya ayaa sheegaya in Cumar Cabdirashiid loo soo gudbiyay liiska Wasiirada ay rabaan Madaxweynaha iyo Xertiisa in lagu soo daro Golaha Wsaiirada Xukuumada Soomaaliya, waxaana liiskaasi ku jiray xubno katirsanaa Xukuumadii Kalsoonida weysay kuwaa oo aad ugu dhawaa Madaxweynaha.

Inta badan Golaha Wasiirada Xukuumada Cusub ee lasoo dhisayo ayaa horey loo diyaariyay kuna qoran Warqad, waxaana xalay loo gudbiyay Cumar Cabdirashiid oo loo sheegay in liiskan uu ku dhawaaqayo marka la magacaabo isaga oon waxna ka badalin waxna ku darin.

Musharaxa Ra’izul Wasaaraha Soomaaliya Cumar Cabdirashiid, ayaa lasoo tabinayaa in uu aqbalay inta badan Shuruudihii ay ku xireen Madaxweynaha Soomaaliya iyo xertiisa, waxa uuna dhankiisa ka dalbaday in uu saameyn ku lahaado Golaha Wasiirada loona ogolaado in qaar kamid ah Wasiirada uu isaga soo xusho.

Wararka Madaxtooyada Soomaaliya laga helayo ayaa sheegaya in kulankii xalay dhaxmaray Madaxweynaha iyo Cumar Cabdirashiid , uu kusoo dhamaaday jawi is fahan ah, waxaana la filayaa maanta galinka dambe ilaa caawa in lagu dhawaaqo R/Wasaaraha hadii uusan imaan isbadal kale.

War deg deg ah: Jawaari oo Moshin laga keni rabo lana Marsiinayo Wadadii RW C/wali

December 17, 2014

WAAJIDPRESS – 17 Dec 2014:

Gudoomiyaha Baarlamaanka Soomaaliya Maxamed Sheekh Cismaan Jawaari ayaa xigi doona Ra’iisul wasaarayaashii xildhibaanada ay kalsoonida kala laabteen, kuwaa oo kala ahaa Cabdiweli Sheekh Axmed iyo sidoo kale Cabdi Farax Shirdoon Saacid.

Qorshe ay wadaan xildhibaano ka mid ah baarlamaanka ayaa la sheegayaa in ay ku doonayan in mooshin laga keeno gudoomiye Jawari marka la dhiso xukuumada cusub islamarkaana la meel mariyo.

Xildhibaanadaan qaarkood ayaa ka mid ah xubnihii mooshinka kasoo horjeeday iyo sidoo kale kuwo mooshinka tageersan, waxaana sababaha mooshinka looga diyarinaayo ka mid ah, sida ay sheegayaan xubnahaa dabacsanaan shaqada oo jirat iyo xildhibano badan oo aan lala xisaabtamin, kuwaa oo iska maqan.

Waxaa la rabaa in jawaari uu meesha ka baxo, islamarkaana la keeno mas’uul kale oo ay is fahmayan xildhibanada iyo Xasan Sheekh Maxamuud oo dalka maamula.

War deg deg ah: QARAX ka dhacay SHABEELAHA HOOSE

December 17, 2014

WAAJIDPRESS – 16 Dec 2014:

Wararka ka imaanaya degmada Baraawe ee gobalka Shabeelaha Hoose ayaa waxay sheegayaan in halkaasi uu ka dhacay Qarax Miino, kaa oo lala eegtay ciidamo ka mid ah dowladda Federaalka ee Soomaaliya.
Ciidamada Qaraxa loo aasay ayaa la sheegayaa inuu watay Taliyaha Ururka Koowaad ee Guutada Sadexaad Ciidanka Xooga dalka Korneel Hilowle Ciise Hagareey, waxaana Qaraxaasi ku dhaawacmay inta la ogyahay ilaa 5 ruux, halka dhimashadana ay kor u dhaafeyso ilaa Afar.
Qaraxa ka dib waxaa goobta gaaray ciidamo kale oo ka mid ah dowladda Federaalka ee Soomaaliya, waxaana ay sameeyeen howlgal lagu baadi goobayo dadkii falkaasi ka dambeeyay.
Sidoo kale, Gudoomiye ku xigeenka dhinaca Amniga Degmada Baraawe Bashiir Maxamed Yuusuf ayaa sheegay in Taliyaha uu ka badbaaday Qaraxaasi hadana ay socdaan Baaritaan ku aadan cidii ka dambeysay Qaraxa.
Ma aha weerarkii ugu horeeyay ee lagu qaado Ciidamo ka tirsan Dowlada Federaalka ee ku sugan Degmada Baraawe.

SIR LA HELAY:- Uljeedka Ra’iisul wasaaraha looga dhigayo Cumar Cabdirashiid oo xog badan laga helay (AKHRISO)

December 16, 2014

WAAJIDPRESS – 16 Dec 2014:

Waxaan soo helnay xog muhiim ah taas oo ku saabsan sababta Ra’iisul wasaaraha looga dhigayo Cumar Cabdirashiid Cali Saharmaarke oo Muqdisho yimid.
Madaxweyne Xasan Sheekh Maxamuud ayaa lagula taliyay in Ra’iisul wasaare uu ka dhigo Sharmaarke sababtuna waxay tahay Laba Arin muhiim ah oo is biirsaday.
1- In loo baahan yahay Ra’iisul wasaare mudada dhiman dood la’aan ku dhameysta, islamarkaana aan ka horimaan arin walba oo uu madaxweynaha iyo saaxiibadiisa ay damcaan.

2- In uu yahay ninka kaliya ee loo adeegsan karo maamulka Puntland si meesha looga saaro heshiiskii Cabdiweli Sheekh Axmed uu dhawaan lasoo saxiixday Cabdiweli Gaas.

Hadaba Labadaan arin ayaa ugu waaweyn sababta Cumar Cabdirashiid meesha loo keenay, iyadoona la filayo in saacadaha soo aadan lagu dhawaaqo.

WAR CULUS:- Jawaari oo loo wado wadadii ay ka baxeen Cbdiweli iyo Saacid iyo Qorshe socda

December 16, 2014

WAAJIDPRESS – 16 Dec 2014:

Gudoomiyaha Baarlamaanka Soomaaliya Maxamed Sheekh Cismaan Jawaari ayaa xigi doona Ra’iisul wasaarayaashii xildhibaanada ay kalsoonida kala laabteen, kuwaa oo kala ahaa Cabdiweli Sheekh Axmed iyo sidoo kale Cabdi Farax Shirdoon Saacid.
Qorshe ay wadaan xildhibaano ka mid ah baarlamaanka ayaa la sheegayaa in ay ku doonayan in mooshin laga keeno gudoomiye Jawari marka la dhiso xukuumada cusub islamarkaana la meel mariyo.
Xildhibaanadaan qaarkood ayaa ka mid ah xubnihii mooshinka kasoo horjeeday iyo sidoo kale kuwo mooshinka tageersan, waxaana sababaha mooshinka looga diyarinaayo ka mid ah, sida ay sheegayaan xubnahaa dabacsanaan shaqada oo jirat iyo xildhibano badan oo aan lala xisaabtamin, kuwaa oo iska maqan.
Waxaa la rabaa in jawaari uu meesha ka baxo, islamarkaana la keeno mas’uul kale oo ay is fahmayan xildhibanada iyo Xasan Sheekh Maxamuud oo dalka maamula.

Dowlada Jabuuti oo 1,000 ciidamo dheeraad ah u soo direysa Soomaaliya bisha soo socota

December 15, 2014

WAAJIDPRESS – 15 DEC 2014:

Wasiirka arrimaha dibadda dalka Jabuuti oo safar ku jooga dalka Turkiga ayaa sheegay in ciidamadooda ku sugan Soomaaliya ay la bixi doonin illaa inta ay Soomaaliya cagaheeda isaga taagayso.

Maxamuud Cali Yuusuf ayaa u sheegay wakaaladda wararka ee Turkiga in dalkiisa ay 1,000 askari ka joogaan Soomaaliya, kuwaasoo AMISOM qayb ka ah, wuxuuna intaas ku daray inay qorsheynayaan inay 1,000 askair oo kale ku biiriyaan bisha soo socota ay AMISOM u “Approve” gareysey bishii November qiimaha ku baxaya ciidamada cusub ee ka tirsan dalka Jabuuti oo tagaya Soomaaliya.

“Waxaanu doonaynaa in Soomaaliya ay nabad noqoto… waayo Jabuuti ma noqon karto meel nabdoon illaa Soomaaliya ay xasisho,” ayuu yiri Yuusuf oo intaas ku daray. “Ma doonayno inaan ciidamadeenna ka saarno Soomaaliya illaa ay cagaheeda isaga taagto.”

Ciidamada Jabuuti ee ku sugan Soomaaliya ayaa ka howlgala gobolka Hiiraan ee bartamaha Somalia, iyagoo dagaallo adag la galay xoogagga Al-shabaab oo weli gacanta ku haya deegaanno ka tirsan gobolkaas.

“Maadaama aan IGAD ka tirsannahay, Jabuuti waxay dareensan tahay inay mas’uuliyadi ka saaran tahay in gobolka oo dhan uu nabad noqdo,” ayuu ku daray hadalkiisa wasiirka arrimaha dibadda Jabuuti.

Yuusuf oo sii hadlaya ayaa intaas raaciyay in urur-goboleedka IGAD uu gacan ka siiyay Soomaaliya sidii ay dowlad u yeelan lahayd, haddana ay ku jiraan sidii ay xal uga gaari lahaayeen xiisadaha ka taagan dalka Sudan iyo dalka kale ee Koonfurta Suudaan

DEG DEG:Shaqsiga loo magacaabaya R/wasaaraha cusub oo Muqdisho gaaray+Xasan sh & Jawaari kulan albaabada u xiran la leh..

December 15, 2014

WAAJIDPRESS – 15 Dec 2014:

???????????????????????????????

Madaxweynaha Soomaaliya Xassan Sheekh Maxamuud ayaa lagu wadaa in uu magacaabista sameeyo maalinta arbacada.

Cumar oo uu dhalay madaxweynihii hore ee Soomaaliya ayaa horey usoo noqdey Ra’isulwasaaraha Soomaaliya, haatana waa safiirka Soomaaliya u fadhiya dalka Mareykanka, xilkaasi oo uu qabtay sanadkani gudihiisa.

Musharixiin kale oo iyaguna loo filayay in xilka loo magacaabo ayaa lagu soo waramayaa in ay tartanka ka hareen kadib markii uu madaxweynaha u deyriyey.

GUDOOMIYE PROF. JAWAARI OO AMREY IN XILDHIBAANADA LA GANAAXO $600

December 15, 2014

WAAJIDPRESS – 15 Dec 2014:

Isagoo maanta (Isniin) ka hadlayay kulankii baarlamaanka , guddoomiyaha baarlamaanka Prof. Maxamed Cusmaan Jawaari ayuu gudiga anshaxa ee baarlamaanka ku amrey in todobaadkan ay xildhibaanada u gudbiyaan waraaqaha ganaax lacageed oo gaaraya $600 doolar, kaasi oo ay ku muteysteen maqnaansho.

“Mudanayaal saan ma anfacayso, hadda oo 1-dii duhurnimo la joogo ayaa lasoo gaarey 140 xildhibaan, maanta oo dhanna aan idin sugeyney, shuruuc muhiim ah ayaa noo yaala oo naloo igmaday, lagama maarmaana ah in kalfadhigan ay kuligood wada gudbaan ama aad diidaan, iyo wixii aad talaabo ka qaadeysaan aad ka qaadaan, illaa bishii oktoobar sharciyadii la qeybiyey waa nala yaalaan” Ayuu yiri Jawaari

“Marka waxaan amrayaa Gudiga anshaxa in loo gudbiyo dhamaan wixii oktoobar iyo nofeembar xildhibaanadii baaqdey, bisha deseembar lacagtooda ha laga gooyo kuwa muteystey , waxa la gooynayo waxaa weeye shan dhigoow dhig, oo ah $600 doolar, ninkii 8 maalmood oo maqnaansho ah aan ka helno” ayuu intaasi ku darey. Wuxuu gudiga ku amrey in lacagtaasi lagu shubo qasnadda daryeelka xildhibaanada si xildhibaankii xanuunsada daweyn caafimaad loogu diro.

Waxa uu amaanay xildhibaanada sharafta leh ee iyagu soo xaadira kulamada oo dhan xiligii loogu talogalay isaga oo magac dhabay Xildhibaan Geeseey.

Hindise sharciyeedyo gaaraya illaa 30 ah ayaa horyaala baarlamaanka, kuwaasi oo la doonayo in kalfadhigani shanaad dhamaantood la ansixiyo, balse waxaa xagal daacinaya maqnaanshaha xildhibaanada ee kulamada baarlamaanka, iyada oo uu sabirkii ka dhamaaday guddoonka baarlamaanka.

War deg deg ah: Dagaalkii Habargidir & Biimaal oo dib u bilowday

December 15, 2014

WAAJIDPRESS – 14 Dec 2014:

Muqdisho – Dagaal xoogan oo sababay dhimasho iyo dhaawac ayaa ka dhacay duleedka degmada Marko ee xarunta gobolka Shabeelaha Hoose, sida ay sheegeen saraakiil ciidan.

Dagaalka u dhaxeeyo maleeshiyo beeleed kala matalaya labada dhinac ayaa ka dhacay saaka deegaanada Busleey, Buufow iyo Deegaanka DANNADA oo ku yaala duleedka degmada Marko ee gobolka Shabeelaha Hoose.

Gudoomiyaha degmada Marko oo kasoo jeeda mid kamid ah beelaha dagaalamaya ayaa sheegaya in dagaalka uu ahaa mid xoogan oo sababay dhimasho iyo dhaawac soo kala gaartay dhinacyada dagaalamay.

Ciidamada mid kamid ah beelaha dagaalamaya ayaa la sheegay inay weerarka ku qaadeen deegaanka Buufow iyo deegaanka Busleey, kaasi oo sababay in muddo saacad ku dhow dagaalada ay ka dhacaan halkaasi.

Ma jirto cid xaqiijin karta qasaaraha rasmiga ee ka dhashay dagaalka ka dhacay duleedka degmada Marko ee gobolka Shabeelaha Hoose.

Waxaa wali taagan xiisada, waxaana la sheegaya in laga baqayo in markale uu dagaal ka dhacao deegaanadii saaka ay ku dagaalameen ciidamada kala matalaya beelaha Habargidir iyo Biimaal.


Follow

Get every new post delivered to your Inbox.

Join 51 other followers