DEG DEG: Beesha Mareexaan oo qaadacday shirka Magaalada Kismaayo ka furmay

WAAJIDPRESS – 28 Feb 2013:

Beesha Mareexaan oo ka mid ah beelaha degga Gobolada Jubbooyinka iyo Gedo, ayaa waxay ka soo horjeedsatay ka qeyb gelida shirka maanta ka furmay Magaalada Kismaayo.

Dhismaha Xaruunta Jaamacada Magaalada Kismaayo ayaa waxaa maanta ka furmay shir la sheegay in Maamul loogu sameynaayo Gobolada Jubbooyinka iyo Gedo.

Odayaasha, wax garadka iyo Siyaasiyiinta Beesha Mareexaan ee Gobolada Jubbooyinka, ayaa waxay iclaamiyeen inaysan ka qeyb geli doonin shirkaan, sababo la xiriira iyadoo ay jiraan sababo dhawr ah.

Waxay kulan ballaaran ay isugu yimaadeen Guriga Suldaanka Gobolada Jubbooyinka ee Beesha Mareexaan Suldaan Maxamed Bashiir Madoobe, waxayna ka soo saareyn bayaanka ay shirkaan ku naqdiyeen.

Afhayeenka Beesha Mareexaan ee Gobolada Jubbooyinka Cabdi Warsame Gurux, ayaa wuxuu akhriyay Bayaanka ay ku diideen, inay ka qeyb galaan shirka maanta ka furmay Magaalada Kismaayo.

Afhayeenka ayaa wuxuu sheegay in marka hore aysan Dowladdu cadeyn mowqifkeeda ku aadan, shirka maanta ka furmay Magaalada Kismaayo, sidoo kalana wuxuu sheegay in Deegaanada Jubbooyinka iyo Gedo, ee weli ku jira gacanta Al Shabaab, ay ku sugan yihiin Odayaal fara badan.

Odayaashaasi ayaa wuxuu tilmaamay in ka soo qeyb gelidooda shirkaan uu yahay mid muhiim ah, haddii aysan ka soo qeyb gelina ay iyana ka qeyb geli kareyn, ilaa goobahaasi laga xureeyo Al Shabaab, si loo wada yagleylo buu yiri Maamul loo dhan yahay.

Goobta uu Bayaanka ka akhrinaayay Cabdi Warsame Gurux, ayaa waxaa fadhiyay General Cali Cabdi Looyaan “Cali Madoobe” iyo Gudoomiye Ku Xigeenka Maamulka Kmg ah ee Magaalada Kismaayo Col. Yaasiin Nuur Gaas.

Shirka maamul usameynta Jubooyinka iyo Gedo oo maanta ka furmaaya magaalada Kismaayo.

WAAJIDPRESS – 28 Feb 2013:

Magaalada Kismaayo ee xarunta gobalka J/hoose waxaa maanta si toos ah uga furmaaya shirka maamul u sameenta gobalada Jubooyinka iyo Gedo iyadoona xaaladda Kismaayo ay ka bedalan tahay sidii hore.

Shirkaan ayaa waxa aa qeyb galaaya dad kasoo kala jeeda gobalada Jubooyinka iyo Gedo, iyadoona sidoo kale halkaasi ay ku sugan yihiin xildhibaano kasoo jeeda gobaladaasi.

C/naasir Seeraar oo ah Afhayeenka maamulka KMG ee magaalada Kismaayo oo saxaafadda kula hadlay magaaladaasi ayaa sheegay in shirkaan saacadaha soo aadan uu u furmi doono sidii loogu tala galay.

“Shirka Kismaayo waxaa uu futmayaa maanta hadii uu rabbi raali ka noqdo, waxaana fileynaa inay kasoo baxaan atiijooyinkii loo baahnaa, marka shirkaan ay isku waafaqaan dadka wada yeelanaaya” Seeraar ayaa sidaasi yiri.

In kastoo shirkaan uu ka furmaayo Kismaayo, hadana waxaa si aad iyo aad ah uga soo horjeeda xubno badan oo u dhashay gobaladaan iyo mas’uuliyiinta dowladda Soomaaliya qaarkood.

KA FAA’IDEYSO

DAAWO: WAREYSI XOGHAYAHA KOOWAAD EE SAFAARADA TURKY OO KA SOO JEEDA WAAJID AMA JIROON

DAAWO: WAREYSI FANAANKII MUSTAF LAMADAARASHOODII

WAAJIDPRESS – 28 FEB 2013:

DAAWO: WAR DEG DEG AH: JABUUTI OO MAANTA MAXKAMAD SOO TAAGTEY SIYAASIYIIN IYO CULUMAUDIIN DIIDAN NATIIJADII KA SOO BAXDEY DOORASHADA JABUUTI

WAAJIDPRESS – 27 FEB 2013:

War deg deg ah: Laba nin oo lagu gawracay Gobolka Jubbada Hoose

Xoogaga Shabaab ayaa waxay laba nin ay ku gawraceen Gobolka Jubbada Hoose, ka gadaal markii ay ku eedeeyeen inay la shaqeeyaan waxa ay ugu yeereyn cadowga.

Labadaan nin oo ka ganacsan jirtay Qaadka ayaa waxay Al Shabaab kala degtay gaari ka yimid Degmada Badhaadhe, kuna sii jeeda Deegaanka Kulbiyow ee Gobolka Jubbada Hoose, oo horaantii sanadkii hore halkaasi lagala wareegay Ururka Al Shabaab.

Deegaanka Kulbiyow ayaa waxaa ka arrimiya Ciidamada Dowladda Soomaaliya, balse waxaa kaabaaya Ciidamada Jabhadda Raaskambooni iyo weliba Ciidamada Militariga ee Dowladda Kenya.

Xoogaga Shabaab ayaa waxay labadaan nin ay kala deggeen gaarigii ay la socdeen, xilli gaariga uu ku sii dhawaanaayay Deegaanka Kulbiyow, markii ay wadada ku joojiyeen Xoogaga Shabaab oo hubeysan.

Gudoomiyaha Degmada Badhaadhe ee Gobolka Jubbada Hoose ee Dowladda Faarax Haybe Xaashi, ayaa wuxuu cambaareeyay tallaabada raggaan lagu dilay, isagoona ku eedeeyay mid ay dilkoodu ka dambeysay Al Shabaab.

Gudoomiyaha Deegaanka Kulbiyow C/Laahi Daahir Khaliif, ayaa wuxuu sheegay in tani ay muujineyso, sida Al Shabaab ay uga soo horjeedo buu yiri nolol oo dhan.

Al Shabaab ayaa waxay muddooyinkii ugu dambeysay ay kordhisay dilalka gawraca ah ee ay ka geysaneyso Gobolada Koonfurta iyo Bartamaha Soomaaliya, qeybo ka mid ah.

WAR DEG DEG AH: DHAGEYSO: HADALKII FAROOLE OO SOCONAYA 10 DAQIIQO EE UU KU YIRI DIINTA ISLAAMKA MA DHAMEYSTIRNA LAAKIIN DASTUURKA PUNTLAND WAA DHAMEYSTIRAN YAHAY

WAAJIDPRESS – 26 FEB 2013:

War deg deg ah: Ciidamada AMISOM iyo kuwa DIGIL IYO MIRIFLE ee dowladda federaalka ah ee Soomaaliya, ayaa gacanta ku dhigey degmada Buur-hakaba ee Gobolka Baay, halkaas oo malayshiyaadka al-Shabaab ay isaga baxeen

WAAJIDPRESS – 26 FEB 2013:

Ciidamada AMISOM iyo kuwa Digil iyo Mirifle ee dowladda federaalka ah ee Soomaaliya, ayaa gacanta ku dhigey degmada Buur-hakaba ee Gobolka Baay, halkaas oo malayshiyaadka al-Shabaab ay isaga baxeen.

Buur-hakaba waxay ahayd magaalada keliya ee waddada isku xirta Baydhabo iyo Muqdisho ay ka haystaan al-Shabaab. Qabsashada ciidanka DIGIL IYO MIRIFLE ee dowladda iyo AMISOM ayaa sahleysa in ay isku xirmaan isu socodka magaalooyinka Baydhabo iyo Muqdisho iyada oo laamiga oo dhan ay maamulayaan ciidamada AMISOM iyo kuwa dowladda.

Ciidamada ayaa markii ay magaalada galeen aan la kumin wax iska caabin ah, magaalada keliya ee al-Shabaab ay ku dirireen waxay ahayd Kismaayo, dhamaan magalooyinka kale ee laga qabsadey waxay uga baxeen iyaga oo hubkoodi sita.

Maalmiiii la soo dhaafey ayaa ciidamada dowladda iyo AMISOM dagaallo ku hayeen deegaanada u dhexeeya Leego & Buur-hakaba, Dhanka kale Ciidamada Itoobiya iyo kuwa Soomaalida ayaa dagaallo kaga hayey al-Shabaab isla Gobolka Baay meelo kamid ah.

Ilaa hadda waxaa gacanta al-Shabaab ku harsan Gobolka Jubada Dhexe, qaybo kamid ah Gedo, Galguduud, Hiiraan, Shabeelada Hoose, Jubada Hoose iyo weliba qaybo ka mid ah Baay.

War Sir ah: Guddoomiyaha Guddiga Doorashooyinka Puntland iy FAROOLE oo ku heshiiyey jebinta Dastuurka Puntland

WAAJIDPRESS – 26 FEB 2013:

Waxaa la sheegaa in Puntland ka gudubtey habkii qabaliga ahaa, una gudubtey habka axsaabta badan, balse bulshada Puntland ayaa dareen kalsooni la’aaneed ka muujinaysey sida ay ku suurtogeli karto arrintaasi, una noqondoonto mid caddaalad ah oo uu qof waliba ku qanci, karo, si taas loo helo waxaa la dejiyey xeerar qeexaya xaqa muwaadinka iyo sida uu codkiis au dhiibanayo.

 

Waxaa la sameeyey lix urur siyaasadeed, waxaadse mooddaa in taladu gacanta ugu jirto urur siyaasadeedka Horseed oo uu guddoomiye u yahay Dr. Faroole, kaas oo dadweynuhu ay ka muujiyeen dareen cabdsiyeed oo ay sal uga dhigeen in uu maroorsaday dhammaan awooddii dawladnimo, markii ay ururkaas ku bahoobeen;

 

- Golihii  Wakiiladda Dawladda Puntland.

- Golihii Xukuumadda Dawladda Puntland.

- Guddoomiyayaashii Gobollada Puntland.

- Guddoomiyayaashii Degmooyinka Puntland.

 

Waxaa intaa ka daran Guddiga Doorashooyinka KMG ah oo ay soo magacaabeen Golaha Xukuumadda iyo Golaha Wakiilada ee hadda isku halk urur siyaasadeed ku wada jira, taas oo ay hadda caddayn u tahay in uu u shaqaynyo Urur Siyaasadeedka Horseed, sida ku caq qoraalkan hoose ee aan laga talogelin Ururada kale ee dalka ka jira, tanina waxay caddayn u tahay in Guddiga Doorashooyinka ee KMG ahi, ay iyaguna ka mid yihiin  Urur Siyaasadeedka Horseed.

 

Warqaddii Maxamed Xasan Barre u qoray Dr. Faroole

 

Ku. Madaxweynaha Dawladda Puntland Dr. C/raxmaan Maxamed Maxamuud

 

Ujeeddo. Soo jeedin ka saarid labo qodob xeerka doorashooyinka Puntland.

 

Mudane Maadaxweyne

 

Guddiga doorashooyinku markii uu dib u eegay xeerka lambarkiisu yahay shan 5 oo ku saabsan sharciga golayaasha deegaanka ee DPL, waxaa u muuqatay qodobkaasi saddexaad 3.1 ee ku saabsan shuruudaha laga rabo codbixiyaha in uusan la jaanqaadi karin doorashooyinka ku soo foolle dalka bilaha soo socda.

 

Sidoo kale qodobka afraad 4.1 ee ku saabsan xuquuqda codbixiyaha qaybtiisa hore marka la sameeyo diiwaanka codbixiyayaasha ee sharciga ah ayuu guddigu arkay in aysan la jaanqaadi karin hannaanka doorashooyinka puntland ee soo socda.

 

Sidaa darteed, waxaan si xushmad leh kaaga codsanaynaa in labadaa qodob oo kan hore ku saabsan yahay aqoonsi laga rabo codbixiyaha kan labaadna in uu diiwaangashan yahay laga saaro sharciga doorshooyinka Puntlnd.

 

 

Mahadsanid

 

Maxamed Xasan Barre

Guddoomiyaha Guddiga Doorashooyinka Puntland

 

 

 

Warqaddii Dr. Faroole u qoray Guddoomiyaha Golaha Wakiilada.

 

 

 

Ref.MW/DPS/89/2013                                         Garoowe                                        Tuesday, February 2013

 

Ku. Guddoomaiyaha Golaha wakiilada puntland.

 

Ujeeddo. Wax ka baddelid xeerka doorashooyinka goleyaasha deeganada dawladda puntland.

 

Tixraac.   qoraalka guddoomiyaha guddiga doorashooyinka Puntland ee 12/02/2013, ee ujeeddadiisu  ahayd soo jeedinta wax ka baddelidda labo qodob ee xeerka doorashooyinka Puntland,  kuwaas oo aan la jaanqaadi karin doorashooyinka ku soo fooleh deegaanada, waana  qodobka 3aad farqadiisa 1aad iyo qodobka 4aad faqradiisa 1aad.

Qodobka 3aad faqraddiisa 1aad oo u qoran waa in uu yahay muwaadin puntlandi ah oo leh   warqadda aqoonsiga ee doorashada. iyo Qodobka 4aad faqraddiisa 1aad oo u qoran marka la sameeyo diiwaanka codbixiyayaasha ee  sharciga ah, codbixiyuhu wuxuu codkiisa ka bixinayaa goobta codbixinta ugu dhaw maalinta  doorashada.

 

Tixraac.  shirkii golaha wasiirada ee 18/02/2013, wuxuu ogolaaday wax baddelidda labada qodob, oo u  qoran sida kor ku cad, golaha wasiiraduna u baddeley sida hoos ku qoran.

 

Qodobka 3.1 waxaa loo baddeley sidan waa in uu yahay muwaadin puntlandi ah.

Qodobka 4.1 waxaa loo beddeley sidan codbixiyuhu wuxuu codkiisa ka bixinayaa goobta codbixinta ugu dhaw maalinta doorashada.

 

Haddaba waxaan guddiga joogtada ah ee golaha wakiilada u soo gudbinayaa in aad ansixisaan labadaas  qodob si loogu dhaqmo.

 

Dr. C/raxmaan Maxamed Maxamuud

Madaxweynaha Dawladda Puntland