War maanta la soo sheegey: Illaa 100-ruux oo u geeriyooday cudur aan la aqoon deegaano ka tirsan Jubbooyinka

WAAJIDPRESS – 21 APR 2016;

Wararka ka imaanaya Jubada Dhexe ayaa sheegaya in illaa 100-ruux dad gaaraya ay u geeriyoodeen cuduro aan la aqoon, balse leh astaamo ay ka mid yihiin shuban iyo matag.

Madaxa Kormeerka iyo qiimeynta Hey’adda Maareynta musiibooyinka oo lagu magacaabo Maxamuud Xasan ayaa sheegay in deegaanada ay ka jiraan cudurka ka mid yihiin BU’aale, Salagle, Saakow iyo tuulooyinka ku dhow.

Waxaa uu sheegay in cudurkan ay u dhinteen illaa 100 ruux u dhinteen, isagoo ku baaqay in laga qeyb qaato gurmadka deegaanada laga soo sheegay cuduradan.

“Cudurkan waxa uu leeyahay laba astaamood oo kala ah, shuban iyo matag, todobaadkii la soo dhaafay waxaa naloo soo sheegay in 100-qof ay u dhinteen, 20-kii saac ee aan soo dhaafnayna waxaa u geeriyooday cudurkaas 45-qof” ayuu yiri Xasan.

Sidoo kale waxaa uu sheegay in deegaanka Saakow ay ka jirto dhibaatada ugu badan, isla markaana saacadihii la soo dhaafay ay dad badan ugu dhinteen.

Ugu dambeyn waxaa uu ugu baaqay Hey’addaha caafimaadka inay u gurmadaan deegaankaas, isla markaana la ogaado waxa uu cudurkan yahay.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: