Wararkii ugu dambeeyay dagaal culus oo ciidamada Dowladda iyo Shabaab ku dhexmaray Galgaduud

WAAJIDPRESS – 7 AUG 2016:

Warar dheeraad ah ayaa ka soo baxaya dagaal culus oo xalay ciidamada Dowladda Federalka Somaliya iyo kuwa Shabaab ku dhexmaray deegaanka Bud-bud oo ka tirsan Gobolka Galgaduud.

Dagaalkaan ayaa wuxuu ka dambeeyay, kadib markii ciidamada Amisom, gaar ahaan kuwa Itoobiya shalay gelinkii dambe ay isaga guureen fariisin ciidan oo halkaasi ay ku lahaayeen, waxaana taasi ay keentay xalay Shabaabka inay soo weeraraan Deegaanka.

Ciidamada Shabaabka ayaa deegaanka Bud-bud Madaafiic ku garaacay ka hor inta uusan dagaalka bilaaban, waxaana xigay Madaafiicda dagaal culus oo Shabaabka ay ku soo galeen gudaha Magaalada.

Ciidamada Dowladda iyo Shabaab ayaa gudaha magaalada waxaa ku dhexmaray dagaalka culus, waxaana halkaasi ka dhashay Khasaare dhimasho iyo dhaawac.

Wararka waxa ay sheegayaan ku dhawaad 8 ruux oo dhinacyadii dagaalamay ah inay halkaasi ku dhinteen, halka ay jiraan tiro intaasi ka badan oo dhaawacyo ah.

Dadka deegaanka waxa ay sheegeen xalay inaysan seexan oo ay haysay cabsi xoogan oo ku aadan in markale dagaalka la isku soo noqdo oo dhinacyada ay isku adeegsadaan hubka culus.

Deegaanka Bud-bud oo ka tirsan Gobolka Galgaduud waxaa ku sugan oo gacanta ku haya ciidamada Dowladda Federalka Somaliya, sida Saraakiisha ciidanka qaar ay inoo xaqiijiyeen.

Xaalada Deegaanka ayaa aad u degan, inkastoo ay muuqdaan saameyntii ka dhalatay dagaaladii cuslaa ee xalay ka dhacaayay deegaankaasi.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: