War hadda soo dhacay: Sarkaal ka tirsanaa Maamulka Garoonka Diyaaradaha oo lagu Dilay Muqdisho

WAAJIDPRESS – 1 October 2016:

Sarkaal ka tirsan Maamulka Garoonka Diyaaradaha ee ee Aadan Cadde ayaa lagu soo waramayaa in gelinkii dambe ee maanta lagu Dilay Degmada Dharkeenleey ee Magaalada Muqdisho.

Sarkaalkan oo magaciisa lagu sheegay Xasan Tooxoow ayaa Dabley ku hubeysnaa bistoolado waxey ku toogteen Xaafada Tabakaayo Madoow ee Degmada Dharkeenleey, sida uu sheegay Goobjooge la hadlay Idaacadda Shabelle.

Mid ka mid ehelada Marxuumka oo la hadlay Idaacadda Shabelle ayaa xaqiijiyay Dilka Sarkaal Xasan Tooxoow.

Kooxihii ka dambeeyay Dilka Sarkaalkaasi ayaa durbaba isaga baxsaday goobta.

Dilka galabta loo geystay ninkan ka tirsanaa shaqaalaha garoonka Aadan cadde ayaa ku soo beegmaya saacado ka dib markii maanta duhurnimadii gaari waxyaabaha qarxa laga soo buuxiyey lagu qarxiyey maqaayad ku taala Muqdisho, labo ruux oo shacab ahaa ayaa ku dhintay lix kalena wey ku dhaawacmeen, waxaana masuuliyada weerarkan sheegtay Al-Shabaab.

Dilalka ay geysanayaan kooxaha hubeysan ayaa maalmahan ku soo badanaya magaalada Muqdisho, shalay ayeyna aheyd markii kooxo hubeysan ay degmada Waaberi ku dileen nin ka tirsana shaqaalaha wasaarada Cadaalada, iyadoo maalmo ka horna la qaarajiyey weriye ka tirsanaa idaacadda Shabelle.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: