War deg deg ah oo hadda soo dhacay: Nabadoon lagu dilay Magaalada Muqdisho

WAAJIDPRESS – 31 JAN 2017:

Nabadoonkan oo lagu magacaabi jiray Malaaq Maxamed Cali, ayaa waxaa xalay lagu dilay dhabarka dambe ee Saldhiga Booliska Degmada Dharkiinley ee Galbeedka Magaalada Muqdisho.

Laba nin oo bistoolado ku hubeysnaa, ayaa waxay Malaaq Maxamed Cali ku weerartay dhabarka dambe ee Saldhiga Dharkiinley, wax yar ka dib markii uu Salaadda Cishaha ku soo tukaday masaajid halkaasi ku yaala.

Raggan, ayaa dhawr xabadood huwiyay ninkaasi odayga ah, iyagoona rasaasta kaga dhuftay qaybaha kore ee jirkiisa. Marxuumka ayaa u geeriyooday dhaawacyo halis ah oo rasaastaasi ka soo gaaray.

Dembiile-yaasha, ayaa durbaba ka baxsaday goobtaasi, waxaana sidii caadada ahaydba u suurta-gashay in ay ka baxsadaan gacanta sharciga.

Ciidamada Booliska iyo Nabad Suggida Degmada Dharkiinley oo dilka ka dib gaaray goobtii uu falka ka dhacay, ayaa ka sameeyay hawlgal la xiriira dembiile-yaasha, walow ay ku fashilmeen soo qabashadooda.

Goobjooge, ayaa sheegay in ciidamada ammaanka ay halkaasi ka sameeyeen hawlgal aan buurnayn, isla-markaana ay isaga taggeen, iyadoo aysan jirin cid ay dilka u soo xir xireen.

Malaaq Maxamed Cali oo deegaan ahaan ka soo jeeda Koonfur Galbeed, ayaa muddooyinkii ugu dambeysay deganaa Dharkiinley, lamana garanayo ujeedada ka dambeysa dilkiisa.

Ma jirto cid illaa iyo hadda sheegatay masuuliyadda dilkan, balse dilalka ceynkani oo kala ah waxaa aalaaba lala xiriiriya mintidiinta Ururka Al Shabaab.

Advertisements

U dhaaf Halcelis

Fill in your details below or click an icon to log in:

WordPress.com Logo

You are commenting using your WordPress.com account. Log Out / Beddel )

Twitter picture

You are commenting using your Twitter account. Log Out / Beddel )

Facebook photo

You are commenting using your Facebook account. Log Out / Beddel )

Google+ photo

You are commenting using your Google+ account. Log Out / Beddel )

Connecting to %s


%d bloggers like this: