DAAWO: GUDOOMIYE PROF. JAWAARI IYO KHUDBADIHII MUSHARAXIINTA OO DHAN

Febraayo 3, 2017

WAAJIDPRESS – 2 FEBRUARY 2017:

 

Advertisements

DAAWO: KHUDBADII MAANTA MUSHARAX SHEEKH SHARIIF OO BALANQAADEY HANTIDII QARANKA EE LA BOOBEY

Febraayo 2, 2017

WAAJIDPRESS – 2 FEB 2017:

 

Musharax Shariif Sheeekh Axmed oo ka mid ahaa mushariixinta maanta hortegay labada Aqal ee Baarlamaanka Soomaaliya ayaa balanqaaday inuu soo celin doono hantidii Qaran ee la boobo uu ugu horeeyo Xasan sheekh iyo kooxdiisa.

“Waxaan ahay masuul usoo diyaar garoobay xilkaasi adag, waxaan rabaa dalkan inaan sumcadiisa iyo karamadiisa soo celiyo iyadoo laga saarayo meesha wixii maamulka ragaadiyay qabiilka ahaa ama kooxo gaar isu og ama cid kaleba”ayuu yiri Sheekh Shariif.

“Waxaan idiin balan qaadayaa in aan soo celiyo hantidii dalka ee la boobay waxaan aaminsanahay waajib qaran, maanta waa maalintii aan sixi lahayn khaladaadkeena”ayaa khudbadiisa ka mid ahayd Sheekh Shariif – DAAWO:

 

War deg deg ah: Qarax gaari oo hadda ka dhacay Magaalada Muqdisho

Febraayo 2, 2017

WAAJIDPRESS – 2 FEBRUARY 2017:

Gaari nooca raaxada ah oo lagu soo xiray qarax miino, ayaa goor dhow kula qarxay Isgoyska Beexaani ee Degmada Shibis ee Waqooyiga Magaalada Muqdisho.

Qaraxa ayaa lala eegtay Mustaf Jeylaani Abasheekh oo la sheegay In uu ka tirsanaa Howlwadeenada Dekedda Magaalada Muqdisho.

Qaraxan, ayaa waxaa uu dhaawac ka soo gaaray ninkii gaariga watay oo magaciisa lagu sheegay Mustaf Jeylaani Abba Sheekh, laguna sheegay in uu yahay nin rayid ah.

Afhayeenka Maamulka Gobolka Banaadir, C/fitaax Cumar Xalane, ayaa wuxuu xaqiijiyay in muwaadin Mustaf Jeylaani Abba Sheekh, oo qura uu ku waxyeeloobay qaraxaasi.

Qaraxyada ceynkani oo kala ah, ayaa wax joogto ahi ka noqday Magaalada Muqdisho, waxaana Ururka Al Shabaab lagu eedeeyaa in ay ka masuul yihiin qaraxyadaasi.

War deg deg ah: Iska horimaad ka dhacay Magaalada Boosaaso iyo dad ku dhintay

Febraayo 2, 2017

WAAJIDPRESS – 2 FEB 2017:

Iska horimaad hubeysan, ayaa xalay ka dhacay Magaalada Boosaaso ee Gobolka Bari, iyadoo dhinaca kalana ay ku dhinteen laba qof, halka laba kalana ay ku dhaawacantay.

Iska horimaadkan, ayaa wuxuu ka dambeeyay markii dabley hubeysani ay soo weerartay bar kontorool, oo Ciidamada Puntland ay ku leeyihiin dhinaca koonfureed ee Magaalada Boosaaso.

Iska horimaadka oo dhacay 9:00 caweysnimo ee xalay, ayaa socday muddo daqiiqado ah, iyadoo dhacdadaasi ka dibna ay baxsadeen raggii weerarka soo qaaday.

Labada qof ee iska horimaadka lagu dilay, ayaa ahaa rayid, iyadoo labada kale ee dhaawaca uu soo gaareyna ay ka tirsan yihiin Ciidamada Booliska Puntland.

Saraakiisha Maamulka Puntland, ayaa waxaa laga soo xigtay in ay baxsadeen raggii weerarka soo qaaday, isla-markaana ay horey u sii qaateen tiro iska horimaadka looga dhaawacay.

Muddooyinkan dambe, ayaa waxaa Magaalada Boosaaso ku soo badanayay weerarada lala xiriirinayo mintidiinta Ururka Al Shabaab. Shabaabka ayaa sheegtay dilal qorsheysan oo bishii December ka dhacay Xarunta Gobolka Bari.

War deg deg ah: Qarax caawa ka dhacay Magaalada Muqdisho – Dhimasho iyo Dhaawac

Febraayo 1, 2017

WAAJIDPRESS – 1 FEB 2017:

Qarax miino ah ayaa  Caawa ka dhacay Isgooyska Aadan Cadde ee Degmada Howlwadaag ee Magaalada Muqdisho.

Qaraxan oo ahaa mid lagu aasay goob ay fariistaan Ciidamada amaanka ee Dowladda Federaalka Soomaaliya.

Goobjooge la hadlay Idaacadda Shabelle ayaa waxuu sheegay in Qaraxan uu dhaawac ka soo gaaray Askari ka tirsan Ciidamada amaanka.

Wararka ayaa sheegaya in Askarigan uu u dhintay dhaawaca kadib markii la geeyay Isbitaal ku yaalla halkaasi.

War deg deg ah: Xildhibaan Prof. Dufle oo maanta Muqdisho Qarax lagu weerarey

Febraayo 1, 2017

WAAJIDPRESS – 1 FEB 2017:

War degdeg ah oo hada soo dhacay ayaa sheegaya in Qarax Xoogan uu ka dhacay Magaalada Muqdisho waxaana Qaraxaasi lala eegtay Gaari uu la socday Xildhibaan ka tirsan Aqalka Sare kaasoo lagu magacaabo Dr Dufle.

XILDHIBAAN Prof. Cusmaan Maxamuud Dufle oo ka tirsan Xildhibaanada Aqalka Sare ayaa maanta barqadii ka bad baaday qarax lagula beegsaday meel ku dhow xaruntiisa caafimaad oo ku taal xaafada Taleex ee degmada Hodan.
Qaraxa oo ahaa Miino dhulka lagu Aasay ayaa Dr Dufle lagula eegtay Xaafada Taleex Degmada Hodan ee Gobalka Banaadir balse sida wararka sheegayaan Xildhibaankaan Aqalka Sare waa uu ka bad-baaday Qaraxa.
Qaraxa ayaa waxaa ku dhaawacmay ilaalada qaar laakin Xildhibaan  Prof Dufle balse isaga waxba ma gaarin.

War Deg Deg ah : Daacish Somaliya oo 3 Qof ku Gowracday Puntland & Xaalada oo kacsan

Febraayo 1, 2017

WAAJIDPRESS – 1 FEB 2017:

Waxaa duleedka Degmada Qandala ee Gobolka Bari, gaar ahaan tuulada Karin oo Qiyaastii 53-KM u jirta Qandala lagu arkay meydadka saddex nin oo qoorta laga gooyay.

Saddexdaan nin ayaa ka mid ahaa rag dhawaan Daacish ay kala dageen gaari maraayay duleedka Degmada Qandala, waxaana la sheegay dadka deegaanka inay si aad ah uga argagaxeen, markii ay arkeen dad qoorta laga gooyay.

Meydka Saddexda ruux ayaa waxaa la dul dhigay Warqad ay ku qoran tahay saddex cisho hala aaso iyo magacyada saddexdaasi nin, taasi oo fariin ahaan loogu diraayay dadka deegaanka tuulada Karin.

Dad Goobjoogeyaal ayaa sheegay in Meydadka Saddexda Ruux ee la Gowracay la soo dhigay Tuulada Karin, Maleeshiyaadka Taabacsan Kooxda Daacish ee Puntland ka Dagaalanta ayaa gaari kala degey dadkani ka dibna ay gowraceen.

Xaalad Cabsi ah ayaa soo food saartay dadka ku nool Degmada Qandala iyo nawaaxigeeda, maadaama ay maqleen dadka la gowracay ee la dhigay meydkooda tuulada Karin.

900 Mas’uul oo ka soo horjeestay Digreeto uu soo saaray Donald Trump

Febraayo 1, 2017

WAAJIDPRESS – 1 FEB 2017:

Sagaal boqol oo mas’uul oo ka tirsan wasaaradda arrimaha dibadda Mareykanka ayaa saxiixay qoraal ay kaga soo horjeedaan fulinta degreetadii madaxweyne Trump uu ka soo saaray 7 dowladood oo islaam ah ugana mamnuucay soo gelidda dalka Mareykanka.

Sarkaal sare oo ka tirsan waraadda arrimaha dibadda ayaa xaqiijiyay in qoraalka gacanta loo geliyay xoghayaha wasaaradda arrimaha dibadda Tom Shannon.

Afhayeen u hadlay Aqalka Cad ee looga arrimiyo Mareykanka Sean Spicer ayaa sheegay iney ogyihiin qoraalka, laakiin ay uga digayaan dublumaasiyiinta oo ay habboon tahay, “Iney waajibaadkooda gutaan ama ay xilka iska banneeyaan”.

Wakaaladda wararka ee Reuters oo helshay qoraalka warqadda oo ay qoreen mas’uuliyiin miisaanka ku leh wasaaradda arrimaha dibadda Mareykanka, ayaa qoraalkoodu si toos ah uga horimanayaa fulinta go’aanka madaxweyne Trump uu ka qaatay 7 dowladoo oo muslima ah oo ay Soomaaliyana ka mid tahay, waxay mas’uuliyuuntu sheegeen in go’aankan uu naceyb u abuurayo dadka Mareykanka, xiriirkii dowladahan uu go’aanku saameyayna uu xumaanayo iyo iney dhibaato soo gaarayso dadka qaxootiga ah ee rajeynayay iney ku noolaadaan Mareykanka.

4 ka mid ah mas’uuliyiinta ugu sarsarreysa ee wasaaradda arrimaha dibadda oo uu ku jiro Patrick Kennedy ayaa xilka iska casilay Talaadadii, cabasho ay ka muujinayaan darteed go’aanka Madaxweyne Trump uu ka qaatay 7 dal ee Muslimka ah.

Jimcihii la soo dhaafay ayaa Trump waxa uu saxiixay degreeto uu 7 dowladood uga mamnuucayo in la siiyo dal ku galka Mareykanka muddo 90 cisho ah, 4 biloodna uu ku joojiyay qaabilaadda qaxootiga ee dunida oo dhan, dowladahan Todobada ah ayaa kala ah, Iran, Ciraaq, Liibiya, Soomaaliya, Sudan, Suuriya iyo Yemen.

War deg deg ah: DAAWO: MUSHARAXIINTA oo hada qodobo kasoo saaray doodii musharixiinta maanta hakadka galay

Janaayo 31, 2017

WAAJIDPRESS – 31 JAN 2017:

Ayadoo maanta lagu kala booday doodii adkeyd ee dhex mari lahayd musharixiinta utaagan madaxtinimada dalka soomaaliya kasoo lagu waday in si live ah loo tabiyo kana dhacdo xarunta barlamaanka soomaaliya.
Doodaas oo maanta hakad gashay kadib markii ay musharixiinta isku khilaafeyn qaabka udhaceyso madaama gudiga doorashada oo sheegay in caasimada kamaqantahay qadka internedka in la duubo ayna tabin karaan oo qura tv-ga dowlada.
Arintaasi ayaa si kulul waxa oga soo horjeyste musharixiinta utaagan qabashada xilka madaxweyninimo ayagoo sheegay in arintaasi katimid madaxtoyada soomaaliya oona wato xasan sheekh – DAAWO:

 

 

War deg deg ah: DAAWO: MUSHARAXIINTA OO CODSADEY IN XILDHIBAAN FARTAAG LAGA SAARO GUDIGA DOORASHADA

Janaayo 31, 2017

WAAJIDPRESS – 31 JAN 2017: